ఈ సినిమా మా అమ్మకు అంకితం: కంగనా

వివాహం జరిగి కొడుకు పుట్టిన తర్వాత తన కలలవైపు ఓ మహిళకు వెళ్లాలనిపిస్తే ఆమె ఏం చేసింది? ఆ తర్వాత ఏం జరిగింది? తెలియాలంటే 'పంగా' వచ్చే వరకు ఆగాల్సిందే. ఇందులో కంగనా ఎంతో చక్కగా నటించిందని చెప్పింది తన సోదరి రంగోలి.

బాలీవుడ్ హీరోయిన్ కంగనా రనౌత్‌.. 'పంగా' సినిమాలో కబడ్డీ క్రీడాకారిణిగా కనిపించనుంది. ఆటల్లో రాణించాలి అనుకునే ఓ మహిళ.. తల్లిగా మారిన తర్వాత కుటుంబం సహాయంతో లక్ష్యాన్ని ఎలా సాధించిందో చెప్పేదే ఈ చిత్ర కథాంశం. ఇప్పుడీ సినిమా గురించి కంగనా సోదరి రంగోలీ ట్విట్టర్​ వేదికగా స్పందించింది.

" కంగనాను నేను అడిగా.. ఓ తల్లికి ఉండే భావోద్వేగాలు, బాధ్యతలు అన్నీ అంత చక్కగా నీకు ఎలా తెలుసు అని. అప్పుడు కంగనా.. 'ఓ తల్లి గురించి తెలుసుకోవడానికి తల్లిగా మారనవసరం లేదు. ఓ బిడ్డలా ఉంటే సరిపోతుంది' అని చెప్పింది. 'పంగా'లోని ఆమె నటన మా తల్లికి అంకితం"
- ట్విట్టర్​లో రంగోలీ

ఇటీవలే వచ్చిన 'పంగా' ట్రైలర్​ ఆకట్టుకుంటోంది. పంజాబీ గాయకుడు జెస్సీ గిల్..​ కంగనా సరసన నటించాడు. రీచా చద్దా, నీనా గుప్తా కీలకపాత్రల్లో కనిపించనున్నారు. అశ్వినీ తివారీ దర్శకురాలు. వచ్చే జనవరి 24న ప్రేక్షకుల ముందుకు రానుందీ సినిమా.

ఇదీ చదవండి.. స్టార్​ బర్త్​డే స్పెషల్​: హమారా భాయ్​జాన్​.. సల్మాన్​ఖాన్