కరోనా నేపథ్యంలో దేశవ్యాప్తంగా థియేటర్లు మూసుకుపోవడం వల్ల అనేక సినిమాల విడుదలలు వాయిదా పడ్డాయి. థియేటర్లు ఎప్పుడు తెరుచుకుంటాయో తెలియక దర్శకనిర్మాతలు సందిగ్ధంలో పడ్డారు. ఈ నేపథ్యంలో కొంతమంది తమ సినిమాలను ఓటీటీ ప్లాట్ఫామ్ ద్వారా విడుదల చేసేందుకు పూనుకున్నారు. పలు సినిమాలు కూడా విడుదలయ్యాయి. తాజాగా ఈ బాటలోకి 'గుంజన్ సక్సేనా-ద కార్గిల్ గర్ల్' సినిమా చేరింది. త్వరలోనే ఈ చిత్రాన్ని నేరుగా నెట్ఫ్లిక్స్లో విడుదల చేయనున్నట్లు స్పష్టం చేసింది చిత్రబృందం.
1999 కార్గిల్ యుద్ధంలో ఎంతో ధైర్యసాహసాలు ప్రదర్శించి, యుద్ధ ప్రాంతంలోకి వెళ్లిన మొదటి భారతమహిళా వాయుసేన అధికారిగా చరిత్ర సృష్టించారు గుంజన్ సక్సేనా. ఆమె జీవితం ఆధారంగా రూపొందిందీ చిత్రం.