ఓ సరికొత్త యాక్షన్‌ థ్రిల్లర్‌ నేపథ్యంతో సాగే కథ కోసం స్వీటీ పెద్ద సాహసాన్నే చేయబోతుంది. ఇందులోని యాక్షన్‌ ఎపిసోడ్‌లలో డూప్‌ లేకుండా నటించబోతుంది. ఈ యాక్షన్‌ ఘట్టాల కోసం ఆమె ప్రత్యేకంగా కసరత్తులు చేయడమే గాక.. తన బాడీని ఫుల్‌ ఫిట్‌గా చేసుకునేందుకు జిమ్‌లో తీవ్రంగా శ్రమిస్తోంది. తెలుగు, తమిళ భాషల్లో ఏకకాలంలో నిర్మితమయ్యే ఈ చిత్రం.. జనవరి నుంచి సెట్స్‌పైకి వెళ్లేందుకు సన్నాహాలు జరుగుతున్నాయి. 'వేల్స్‌ ఫిల్మ్‌ ఇంటర్నేషనల్‌' పతాకంపై చిత్రాన్ని నిర్మించబోతున్నారు.
స్వీటీ మరో సాహసం చేయబోతుందట..!
'అరుంధతి', 'భాగమతి' వంటి హిట్లతో తెలుగు చిత్రసీమలో నాయికా ప్రాధాన్య చిత్రాలకు అనుష్క మంచి క్రేజ్‌ను సృష్టించింది. అదే తరహాలో మరో హీరోయిన్ ఓరియంటెడ్ సినిమా ద్వారా మరోసారి ప్రేక్షకుల ముందుకు రానుంది.
అనుష్క
అనుష్క ప్రస్తుతం 'నిశ్శబ్దం' చిత్రంతో ప్రేక్షకుల్ని అలరించేందుకు సిద్ధమవుతోంది. ఇప్పటికే చిత్రీకరణ పూర్తి చేసుకున్న ఈ చిత్రం.. తెలుగు, తమిళ, హిందీ, ఆంగ్ల భాషల్లో జనవరి 30న విడుదలకానుంది. ఈ చిత్రం పూర్తయిన వెంటనే మరో సాహసం చేసేందుకు సిద్ధమవుతుందని ప్రచారం జరుగుతోంది. ఈ చిత్రం విడుదలైన తర్వాత గౌతమ్‌ మీనన్ దర్శకత్వంలో చేయబోతున్న సంగతి తెలిసిందే. ప్రముఖ బాలీవుడ్‌ నిర్మాత, రచయిత గోవింద్‌ నిహ్లాని రాసిన ఓ నవల ఆధారంగా ఈ చిత్రాన్ని తెరకెక్కించనున్నట్లు తెలుస్తోంది.
ఇదీ చదవండి: దిల్‌ రాజు వారసుడి చిత్ర టైటిల్‌ అదేనా?