'96' తెలుగు రీమేక్​ టైటిల్, ఫస్ట్​లుక్ ఇదిగో

తమిళంలో ఘన విజయం సాధించిన  '96' తెలుగు రీమేక్​లో సమంత, శర్వానంద్ నటిస్తున్నారు. తాజాగా ఈ సినిమా టైటిల్, ఫస్ట్​లుక్​ను విడుదల చేసింది చిత్రబృందం.

తమిళంలో విజయ్ సేతుపతి, త్రిష నటించిన '96' చిత్రం గతేడాది ఘనవిజయం అందుకుంది. తెలుగులో రీమేక్​గా తెరకెక్కుతున్న ఈ సినిమాలో శర్వానంద్, సమంత నటిస్తున్నారు. తాజాగా ఈ సినిమా ఫస్ట్​లుక్​తో పాటు టైటిల్​ను ప్రకటించింది చిత్రబృందం.

జాను పోస్టర్

సినిమాలో హీరోయిన్ పాత్ర పేరైన 'జాను'ను టైటిల్​గా ఖరారు చేసింది చిత్రబృందం. ఇప్పటికే విడుదలైన సమంత లుక్ అభిమానుల్ని ఆకట్టుకుంది. శ్రీ వెంకటేశ్వర క్రియేషన్స్‌ పతాకంపై దిల్‌ రాజు ఈ చిత్రాన్ని నిర్మిస్తున్నాడు. మాతృకను తెరకెక్కించిన ప్రేమ్​కుమార్ ఈ సినిమాకూ దర్శకత్వం వహిస్తున్నాడు.

ఇవీ చూడండి.. ఇప్పటికీ ఆమె మాటే శాసనం: కృష్ణవంశీ