'క్యారెట్​ కేక్​' తింటే 'క్యా బాత్​ హై' అనాల్సిందే!

కేక్​ చూడగానే, చిన్నా పెద్దా తేడా లేకుండా అందరికీ నోరూరుతుంది. కానీ, ఆరోగ్యంగా ఉండాలంటే కేక్​లు తినొద్దంటారు వైద్యులు. మరి, ఫిట్​గా ఉండాలంటే మనకెంతో ఇష్టమైన కేక్​ను త్యాగం చేయాల్సిందేనా? అక్కర్లేదు, ఆ అనారోగ్యమైన కేకుల స్థానంలో.. ఆరోగ్యం నిండిన క్యారెట్ కేక్​ను ఇంట్లో సులభంగా చేసుకోవచ్చు. మరి ఈ హెల్దీ క్యారట్‌ కేక్‌ని ట్రై చేసి టేస్ట్‌ చేద్దాం రండి..

ఏ ఆనందమొచ్చినా.. కేక్​ కట్​ చేసి సెలబ్రేట్ చేసుకోవడం ఈ తరం ఆనవాయితీ. మరి ఆ కేక్​ను ఆరోగ్యంగా మార్చుకుంటే పోలా..? అందుకే హెల్దీ క్యారెట్​ కేక్​ను ఇంట్లోనే తయారు చేసుకోండిలా....

కావాల్సిన పదార్థాలు

• బాదం పిండి - ఒకటిన్నర కప్పు
• ఉప్పు - అరటీస్పూన్‌
• బేకింగ్‌సోడా - అరటీస్పూన్‌
• దాల్చిన చెక్క పొడి - టీస్పూన్‌
• జాజికాయ పొడి - అరటీస్పూన్‌
• అల్లం పొడి - అరటీస్పూన్‌
• గుడ్లు - మూడు
• తేనె - రెండు టేబుల్‌స్పూన్స్‌
• కొబ్బరి నూనె లేదా నెయ్యి లేదా బటర్‌ - కప్పులో ఎనిమిదో వంతు
• క్యారట్‌ తురుము - ఒకటిన్నర కప్పులు
• వేయించిన పల్లీలు - అరకప్పు
• అవిసె గింజలు - టేబుల్‌స్పూన్‌
• నారింజ తొక్కలు - అరటీస్పూన్‌
• ఖర్జూరం - 2-3

'క్యారెట్​ కేక్​ ' తింటే 'క్యా బాత్​ హై 'అనాల్సిందే!

తయారీ

ముందుగా ఓ పెద్ద గిన్నె తీసుకుని అందులో పైన తెలిపిన పదార్థాలను ఒక్కొక్కటిగా కలుపుకుంటూ చక్కని బ్యాటర్‌లా తయారుచేసుకోవాలి. ఇప్పుడు ఈ పిండిని ఓ బేకింగ్‌ ట్రేలో పోసుకుని 180 డిగ్రీల వద్ద 30-35 నిమిషాల పాటు బేక్‌ చేసుకోవాలి. అంతే రుచికరమైన క్యారట్‌ కేక్‌ సిద్ధమవుతుంది.

ఇదీ చదవండి:బేక్​ చేయకుండా కేక్​ చేసుకోండిలా...