డ్రంక్ అండ్ డ్రైవ్​లో మందుబాబు హల్​చల్

డ్రంక్ డ్రైవ్​లో పట్టబడిన ఓ వ్యక్తి తాను తెరాస నేతననీ... ఎందుకు ఆపుతున్నారంటూ హల్​చల్​ చేశారు. రాంకోఠి కూడలి వద్ద నిర్వహించిన డ్రంక్ అండ్ డ్రైవ్​లో కేపీ శ్రీకాంత్ మద్యం తాగి వాహనం నడుపుతూ పోలీసులకు పట్టబడ్డారు. ఓ 45 నిమిషాల పాటు సహకరించకుండా వీరంగం సృష్టించారని పోలీసులు తెలిపారు.

డ్రంక్ డ్రైవ్​లో పట్టుబడిన ఓ వ్యక్తి తాను తెరాస నేతనంటూ... తననే ఆపుతారా? అని వీరంగం చేశారని పోలీసులు తెలిపారు. హైదరాబాద్ సుల్తాన్ బజార్ ట్రాఫిక్ పోలీసులు రాంకోఠి కూడలి వద్ద స్పెషల్ డ్రైవ్​లో భాగంగా మంగళవారం రాత్రి డ్రంక్ అండ్ డ్రైవ్ నిర్వహించారు. కాచిగూడ వెళ్తున్న ఒక కారును ఆపగా... కారులో మద్యం బాటిళ్లు లభ్యమయ్యాయని పేర్కొన్నారు. హిమాయత్ నగర్​కు చెందిన కే.పీ శ్రీకాంత్ మద్యం సేవించి కారు నడుపుతూ తన మిత్రుడితో కలిసి పట్టుబడ్డారని చెప్పారు.

సముదాయిస్తున్నా వినకుండా 45 నిమిషాల పాటు హల్​చల్ చేశారన్నారు. కేసు నమోదు చేసి... కారును సీజ్ చేసినట్లు పోలీసులు తెలిపారు. ఈ స్పెషల్ డ్రైవ్​లో మొత్తం 11 కేసులు నమోదు చేయగా... వాటిలో 2 కార్లు 9 ద్విచక్రవాహనాలు ఉన్నట్లు వెల్లడించారు. కాన్సిలింగ్ అనంతరం కోర్టు ఎదుట హాజరు పరుస్తామని సుల్తాన్ బజార్ ట్రాఫిక్ ఇన్​స్పెక్టర్ సుమన్ కుమార్ తెలిపారు.

ఇదీ చదవండి:పల్లె యువతపై వ్యసనాల పడగ