బైకును ఢీకొట్టిన కారు.. ఒకరి మృతి, ఇద్దరికి గాయాలు

బైకును కారు ఢీకొన్న ఘటనలో ఒకరు మృతి చెందగా.. మరో ఇద్దరికి స్వల్ప గాయాలయ్యాయి. ఈ ఘటన కామారెడ్డి జిల్లాలో చోటుచేసుకుంది.

కామారెడ్డి జిల్లా భిక్కనూరు మండలం బీటీఎస్ వద్ద రోడ్డుప్రమాదం చోటుచేసుకుంది. ద్విచక్ర వాహనాన్ని కారు వెనక నుంచి బలంగా ఢీకొట్టింది. ఘటనలో బైక్​పై ఉన్న వికాస్​ అనే వ్యక్తి అక్కడికక్కడే మృతి చెందగా... మరో ఇద్దరికి స్వల్ప గాయాలయ్యాయి.

స్థానికుల సమాచారం మేరకు ఘటనా స్థలికి చేరుకున్న పోలీసులు.. మృతి చెందిన వికాస్​ భిక్కనూరుకు చెందిన వాడిగా గుర్తించారు. శవాన్ని పోస్టుమార్టం నిమిత్తం కామారెడ్డి ఏరియా ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.