ఆత్మహత్యాయత్నం చేసిన భాజపా కార్యకర్త గంగుల శ్రీనివాస్‌ మృతి

ఈనెల ఒకటిన హైదరాబాద్​ నాంపల్లిలో భాజపా కార్యాలయం ముందు ఆత్మహత్యాయత్నం చేసిన గంగుల శ్రీనివాస్ మృతి చెందాడు. సికింద్రాబాద్​ యశోద ఆస్పత్రిలో చికిత్స పొందుతూ తుది శ్వాస విడిచాడు.

సిద్దిపేటలో ఇటీవల భాజపా రాష్ట్ర అధ్యక్షుడు బండి సంజయ్‌ అరెస్టుకు నిరసనగా రంగారెడ్డి జిల్లా యాచారం మండలం తుమ్మలోనిగూడెంకు చెందిన గంగుల శ్రీనివాస్‌ ఈనెల 1న ఆత్మహత్యాయత్నం చేశాడు. హైదరాబాద్‌ నాంపల్లిలోని ఆ పార్టీ రాష్ట్ర కార్యాలయం ఎదుట... కిరోసిన్‌ పోసుకుని నిప్పంటించుకున్నాడు.

వెంటనే స్పందించిన పోలీసులు.. స్థానికుల సహకారంతో మంటలు ఆర్పి అతన్ని ఆస్పత్రికి తరలించారు. 40శాతం కాలిన గాయాలతో సికింద్రాబాద్​ యశోద ఆస్పత్రిలో చికిత్స పొందుతున్న శ్రీనివాస్​ మృతి చెందాడు. శ్రీనివాస్​ మృతి పట్ల భాజపా నేతలు సంతాపం వ్యక్తం చేశారు.

ఇదీ చదవండి:ఆ పరిస్థితిని కేసీఆర్ ప్రభుత్వం కొనితెచ్చుకోవద్దు: బండి సంజయ్​