ప్రాంతీయ సమస్యలపై చర్చల కోసం ఇరాన్, సౌదీ అరేబియా ప్రత్యక్ష చర్చలు ప్రారంభించాయి. బాగ్దాద్(ఇరాక్ రాజధాని) వేదికగా ఈ నెలారంభంలో చర్చలు జరిగాయని ఇరాక్ అధికారులు తెలిపారు.
ఏళ్ల తరబడి శత్రుత్వం ఉన్న ఈ దేశాల మధ్య.. చర్చలు ప్రారంభం కావడం సానుకూల పరిణామంగా కనిపిస్తోంది. అయితే.. ఈ చర్చల వల్ల వెనువెంటనే సానుకూల ఫలితాలు వచ్చే అవకాశం లేదని తెలుస్తోంది. సౌదీ-ఇరాన్ ఘర్షణల మధ్య నలిగిపోయిన ఇరాక్కు తాజా పరిణామాలు ఉపశమనం కలిగించే అంశాలే.