ఆగ్రరాజ్యం అమెరికాలో కరోనా మహమ్మారి మరణ మృదంగం మోగిస్తోంది. న్యూయార్క్లో వైరస్ ప్రభావం ఇంకా ఎక్కువగా ఉంది. ఇక్కడ 24 గంటల్లోనే రికార్డు స్థాయిలో 731 మంది ప్రాణాలు కోల్పోయారు. ఈ విషయాన్ని న్యూయార్క్ గవర్నర్ ఆండ్రూ క్యూమో వెల్లడించారు.
దేశవ్యాప్తంగా ఇప్పటి వరకు 3 లక్షల 77 వేలకుపైగా కరోనా పాజిటివ్ కేసులు నమోదయ్యాయి. 11,781 మంది మరణించారు. దాదాపు 20 వేల మంది కోలుకున్నారు.
విలయతాండవం..
బ్రిటన్లోనూ కరోనా వైరస్ విలయతాండవం చేస్తోంది. మంగళవారం ఒక్కరోజే ఆ దేశంలో 786 మంది ప్రాణాలు కోల్పోయారు. బ్రిటన్లో కరోనా కారణంగా ఒకే రోజు ఇంతమంది మరణించడం ఇదే తొలిసారి.
బ్రిటన్లో ఇప్పటివరకు 55 వేల మందికిపైగా కరోనా సోకింది. 6,159 మంది మరణించారు. 135 మంది కోలుకున్నారు. ఆ దేశ ప్రధాని బోరిస్ జాన్సన్ వైరస్ లక్షణాలతో ఓ ఆసుపత్రిలోని ఐసీయూలో చికిత్స పొందుతున్నారు.
ఇదీ చూడండి:స్పెయిన్లో గేర్ మార్చిన కరోనా- మళ్లీ విజృంభణ
