ఉగ్రవాదాన్ని పాకిస్థాన్ మరింత సమర్థంగా ఎదుర్కొవడానికి, ఆ దేశానికి మరిన్ని ప్రత్యేక ఆయుధాలు సరఫరా చేస్తామని రష్యా విదేశాంగ మంత్రి సెర్గీ లవ్‌రోవ్‌ తెలిపారు. అయితే.. ఏ పరికరాలు సరఫరా చేస్తామన్న విషయాన్ని ఆయన వెల్లడించలేదు. భారత పర్యటన ముగించుకుకొని పాక్ చేరుకున్న లవ్‌రోవ్‌.. తన రెండు రోజుల పర్యటనలో పాక్ ప్రధాని ఇమ్రాన్‌ ఖాన్‌, విదేశాంగ మంత్రి షా మహ్మద్‌ ఖురేషి, సైన్యాధిపతి జనరల్‌ బజ్వాలతో సమావేశమయ్యారు. ఈ సందర్భంగా అఫ్గాన్ శాంతి ప్రక్రియలో రష్యా పోషిస్తున్న పాత్రను ఇమ్రాన్‌ ఖాన్‌ ప్రశంసించారు.
ఆయుధాల సరఫరాలో పాకిస్థాన్కు రష్యా సాయం!
ఉగ్రవాదాన్ని సమర్థంగా ఎదుర్కొనేందుకు పాకిస్థాన్కు మరిన్ని ప్రత్యేక ఆయుధాలను సరఫరా చేస్తామని రష్యా విదేశాంగ మంత్రి సెర్గీ లవరోవ్ తెలిపారు. తన రెండు రోజుల పర్యటనలో భాగంగా పాక్ ప్రధాని, విదేశాంగ మంత్రి, సైన్యాధిపతితో ఆయన సమావేశమయ్యారు.
ఆయుధాల సరఫరాలో పాకిస్థాన్కు రష్యా సాయం!
గత 9 ఏళ్లలో ఓ రష్యా విదేశాంగ మంత్రి పాకిస్థాన్‌లో పర్యటించడమిదే తొలిసారి కావడం గమనార్హం. ఈ పర్యటనలో రష్యా, పాక్ మధ్య గ్యాస్‌ పైప్‌లైన్‌పైనా చర్చలు జరిగాయి. అఫ్గాన్ శాంతి ప్రక్రియ జరుగుతున్న తీరును కూడా ఇరు దేశాలు సమీక్షించాయి.
ఇదీ చూడండి:'అఫ్గాన్ ఘర్షణల్లో 59 మంది మృతి'