అమెరికాకు పక్కలో బల్లెంలా... తరచూ అణుపరీక్షలు జరుపుతూ వివాదాలకు తెరతీసే ఉత్తరకొరియా తన అణుశక్తి సామర్థ్యాన్ని మరింత బలోపేతం చేసేందుకు సిద్ధమైనట్లు తెలుస్తోంది. ఈ మేరకు ఆ దేశాధినేత కిమ్ జోంగ్ ఉన్ విధానాలను రూపొందిస్తున్నట్లు అక్కడి అధికారిక మీడియా 'కేసీఎన్ఏ' వెల్లడించింది. గత కొన్ని రోజులుగా సెంట్రల్ మిలిటరీ కమిషన్తో కిమ్ జోంగ్ ఉన్ విస్తృత సమావేశాలు జరిపినట్లు పేర్కొంది. అయితే, ఎలాంటి చర్యలు తీసుకోబోతున్నారనే దానిపై మాత్రం స్పష్టత ఇవ్వలేదు. అలాగే సైనిక బలగాల్ని మరింత పటిష్ఠం చేసేందుకు తీసుకోవాల్సిన చర్యలపైనా చర్చలు జరిగినట్లు వెల్లడించింది.
మిలిటరీ విద్యాసంస్థల బాధ్యతలు, పాత్రను కూడా పెంచాలని కిమ్ నిర్ణయించినట్లు కేసీఎన్ఏ పేర్కొంది. రక్షణ వ్యవస్థల మధ్య లక్ష్యాల్ని చేరుకునేలా మిలిటరీ కమాండ్‌ వ్యవస్థని పునర్‌వ్యవస్థీకరించాలని భావిస్తున్నట్లు వెల్లడించింది. రక్షణ వ్యవస్థలోని రాజకీయ, సైనికపరమైన లోటుపాట్లపైనా చర్చించి వాటిని అధిగమించేందుకు తీసుకోవాల్సిన చర్యలపై చర్చించినట్లు పేర్కొంది. ఇప్పటికే పలు శక్తిమంతమైన ఆయుధాల్ని పరీక్షించి ప్రపంచదేశాల దృష్టిని ఆకర్షించిన కిమ్ తాజా చర్యలతో ఈసారి ఎలాంటి వ్యూహాలు రచిస్తున్నారోననే దానిపై చర్చ జరుగుతోంది.
అణుపరీక్షల వైపు ట్రంప్ అడుగులు...