లోకల్​ X చైనా: రణరంగంలా హాంగ్​కాంగ్​

హాంగ్​కాంగ్​లో నిరసనకారులు, చైనా​ అనుకూల వర్గాల మధ్య పరస్పర దాడులు జరిగాయి. ఈ ఘటనలో పలువురు గాయపడ్డారు.

హాంగ్​కాంగ్​లో నిరసనలు హింసాత్మకంగా మారాయి. బీజింగ్​ మద్దతుదారులకు, ఆందోళనకారులు మధ్య ఆదివారం తీవ్ర స్థాయిలో ఘర్షణలు జరిగాయి. నిరసనకారులు నార్త్​ పాయింట్​ ఫోర్ట్రెస్​ హిల్​ వద్దకు ర్యాలీగా వస్తున్న సమయంలో బీజింగ్​ అనుకూల వర్గీయులు ఎదురయ్యారు. ఇరు వర్గాల వారు పరస్పర దాడులు చేసుకున్నారు. ఈ గొడవల్లో కొంతమంది తీవ్రంగా గాయపడ్డారు. పరిస్థితిని చక్కదిద్దేందుకు పోలీసులు బాష్ప వాయువు ప్రయోగించారు.

ప్రభుత్వ స్పందన

హాంగ్​కాంగ్​లో జరుగుతున్న అల్లర్లపై ప్రభుత్వం స్పందించింది. సమస్యలకు హింస పరిష్కార మార్గం కాదని పేర్కొంది.

ఇదీ చూడండి:కొలంబియాలో కూలిన విమానం- ఏడుగురు మృతి