కరోనా ఎఫెక్ట్​: చైనాలో 259కి చేరిన మృతుల సంఖ్య

చైనాలో కరోనా మహమ్మారి ధాటికి మరో 46 మంది బలయ్యారు. ఈ వైరస్​ బారినపడి మృతి చెందిన వారి సంఖ్య 259కి చేరింది. రోజురోజుకూ పెరిగిపోతున్న మరణాల సంఖ్య... డ్రాగన్​ దేశాన్ని ఆందోళనకు గురిచేస్తోంది.

చైనాలో కరోనా వైరస్​ మరణాల సంఖ్య తాజాగా 259కి చేరింది. నిన్న ఉదయం వరకు 213 మంది ఈ మహమ్మారి ధాటికి ప్రాణాలు కోల్పోయారు. తాజాగా మరో 46 మంది బలయ్యారని చైనా అధికారిక వర్గాలు తెలిపాయి.

ఈ వైరస్​ బాధితుల సంఖ్య కూడా పెరుగుతూనే ఉంది. దేశవ్యాప్తంగా 11,791 మందికి ఈ వైరస్​ సోకినట్లు అధికారులు తెలిపారు.

ఇదీ చదవండి:నక్క-కుక్క పోరాడితే ఎట్లా ఉంటుందో తెలుసా!