చంద్రుడి ఆవలి భాగంలో పరిశోధనలు సాగిస్తోన్న చైనా చాంగే-4 ల్యాండర్, రోవర్లు తాజాగా తమ పనిని పునఃప్రారంభించాయి. ఆ ప్రాంతంలో 14 రోజులు పగటి సమయం ఆరంభం కావడం వల్ల అవి నిద్రాణస్థితి నుంచి బయటకు వచ్చాయి. చాంగే-4 వ్యోమనౌక 2019 జనవరి 3న చంద్రుడి ఆవలి భాగంలోని దక్షిణ ధ్రువంలో దిగింది. అక్కడి అయిట్కెన్ బేసిన్లో పరిశోధనలు సాగిస్తోంది. 736 రోజుల పాటు దాని ప్రస్థానం కొనసాగింది.
చంద్రుడిపై పరిశోధన ప్రారంభించిన చైనా చాంగే-4 - చైనా చాంగే సమాచారం
చంద్రుడిపై కీలక పరిశోధనలకు గాను చైనా పంపిన చాంగే ల్యాండర్, రోవర్లు పని చేయడం ప్రారంభించాయి. చంద్రుడి దక్షిణ ధ్రువంలోని అయిట్కెన్ బేసిన్లో పరిశోధనలు సాగనున్నాయి.
చంద్రుడిపై పరిశోధన ప్రారంభించిన చైనా చాంగే-4
ఆవలి భాగం ఎన్నడూ భూమి నుంచి కనిపించదు. స్థానిక కాలమానం ప్రకారం శుక్రవారం తెల్లవారుజామున 3.13 గంటలకు ల్యాండర్ క్రియాశీలమైంది. ఉదయం 10.29 గంటలకు యుతు-2 రోవర్ పనిచేయడం ప్రారంభించింది. ఇది జాబిల్లి ఉపరితలంపై వాయువ్య దిశగా పయనించనుంది. గ్రహశకలాల ఢీ వల్ల ఏర్పడ్డ బసాల్ట్ శిల ప్రాంతంలోకి వెళ్లనుంది. ఆ ప్రాంతాన్ని కెమెరాతో క్లిక్మనిపిస్తుంది. పరారుణ ఇమేజింగ్ స్పెక్ట్రోమీటర్, న్యూట్రల్ అటమ్ డిటెక్టర్, లూనార్ రాడార్ల సాయంతో శాస్త్రీయ పరిశోధనల సాగిస్తుంది. చంద్రుడిపై పగటి సమయం 14 రోజులు ఉంటుంది. అలాగే రాత్రివేళ అదే నిడిపిని కలిగి ఉంటుంది. ఈ లెక్కన చాంగే-4కు ఇది 26వ రోజు.