మెక్సికోలో లక్ష మార్క్​ దాటిన కరోనా మరణాలు

ప్రపంచ దేశాలపై కరోనా వైరస్​ పంజా విసురుతోంది. రోజువారీ కేసుల సంఖ్యలో గణనీయమైన పెరుగుదల కనిపిస్తోంది. కరోనా మరణాల్లో అమెరికా, భారత్​, బ్రెజిల్​ల సరసన చేరింది మెక్సికో. లక్ష మార్క్​ అందుకున్న నాలుగో దేశంగా నిలిచింది.

ప్రపంచవ్యాప్తంగా కరనా మహమ్మారి మాహావిలయం కొనసాగుతూనే ఉంది. కొన్ని దేశాల్లో వైరస్​ రెండోవేవ్​ ప్రారంభమవటం వల్ల కొత్త కేసులు గణనీయంగా పెరుగుతున్నాయి. మెక్సికోలో కరోనా మరణాలు లక్ష దాటాయి. అమెరికా, భారత్​, బ్రెజిల్​ల తర్వాత ఈ మార్క్​ అందుకున్న నాలుగో దేశంగా నిలిచింది మెక్సికో.

మెక్సికోలో కరోనా మరణాల సంఖ్య 100,104కు చేరినట్లు ప్రకటించారు ఆ దేశ అంటువ్యాధుల విభాగం డైరెక్టర్​ జోస్​ లూయిస్​ అలోమియా జెగర్రా. మొత్తం కేసుల సంఖ్య 10.19 లక్షలు దాటినట్లు చెప్పారు. అయితే.. 7.66 లక్షల మంది వైరస్​ నుంచి కోలుకోవటం కాస్త ఊరట కలిగిస్తోంది. వైరస్​ విజృంభణపై మెక్సికో ప్రజల్లో భిన్నప్రవర్తనలు ఉన్నాయి. సగం మంది వైరస్​ను లెక్కచేయకుండా, మాస్క్​లు ధరించకుండా తిరుగుతుంటే.. మరోవైపు వైరస్​ భయంతో కొందరు ఒత్తిడికి లోనవుతున్నారు.

ప్రపంచవ్యాప్తంగా వివిధ దేశాల్లో కేసులు వివరాలు..

దేశం	మొత్తం కేసులు	మరణాలు
అమెరికా	12,070,712	258,333
బ్రెజిల్​	5,983,089	168,141
ఫ్రాన్స్​	2,086,288	47,127
రష్యా	2,015,608	34,850
స్పెయిన్​	1,574,063	42,291
యూకే	1,453,256	53,775