సూడాన్లో పెల్లుబికిన ఆగ్రహజ్వాలలు
సూడాన్లో సంక్షోభం మరింత ముదురుతోంది. సూడాన్ అధినేత ఒమర్‌ అల్ బషీర్‌ నియంతృత్వ పాలన ముగిసిన తర్వాత సైన్యం తీరుకు నిరసనగా ఆ దేశంలో జరుగుతున్న ఆందోళనల్లో ఇప్పటివరకూ 101 మంది ప్రాణాలు కోల్పోయారు.
నిరసనల్ని భగ్నం చేసేందుకు సైన్యం జరిపిన కాల్పుల్లో వందలాదిమంది గాయపడగా, తాత్కాలిక సైనిక మండలి చర్చల ఆహ్వానాన్ని ఆందోళనకారులు తిరస్కరించారు. న్యాయం, జవాబుదారితనం లేకుండా సైన్యం చేసే ఎలాంటి రాజకీయ ప్రక్రియ తమకు ఆమోదయోగ్యం కాదని ఆందోళనకారులు స్పష్టం చేశారు.