సూపర్ స్టార్ మహేశ్ బాబు కూతురు సితార గురించి ప్రత్యేకంగా చెప్పనక్కరలేదు. చిచ్చుబుడ్డిలాంటి ఈ చిన్నారికి సోషల్మీడియాలో ఉన్న క్రేజ్ గురించి తెలిసిందే. ఎప్పుడు ఎంతో ఉత్సాహంగా కనిపించే ఈ బుడ్డది.. చదువుతో పాటు పాశ్చత్య, సంప్రదాయ నృత్యాల్లో శిక్షణ తీసుకుంటోంది. ఇప్పటికే పలు సందర్భాల్లో మహేశ్ నటించిన చిత్రాల్లోని పలు పాటలకు డ్యాన్స్ చేసి ఆకట్టుకుంది. అయితే తాజాగా దీపావళి సందర్భంగా మహేశ్ తన కూతురు చేసిన ఓ డ్యాన్స్ వీడియోతో అభిమానులకు శుభాకాంక్షలు తెలిపారు.
"అందరికీ దీపావళి శుభాకాంక్షలు. మీ జీవితాల్లో ప్రేమ, వెలుగు, సంతోషం ఎల్లప్పుడూ ఉండాలి" అనే క్యాప్షన్తో వీడియోను పోస్ట్ చేశారు. ఈ వీడియోలో సితార అద్భుతంగా డ్యాన్స్ చేసింది. దీంతో ఈ వీడియో కొద్ది సేపట్లోనే రీ ట్వీట్స్, లైక్స్తో దూసుకుపోతోంది. మీరు కూడా ఈ డ్యాన్స్ చూసేయండి..