Mahesh Babu Guntur Kaaram Dance : సూపర్ స్టార్ మహేశ్ బాబు హీరోగా నటించిన 'గుంటూరు కారం' సినిమా సంక్రాంతి కానుకగా జనవరి 12న ప్రేక్షకుల ముందుకు వచ్చిన సంగతి తెలిసిందే. సినిమా మిక్స్డ్ టాక్(Guntur Kaaram Review) వచ్చినప్పటికీ మంచి వసూళ్లను అందుకుంటూ బాక్సాఫీస్ వద్ద ఆడుతోంది. క్రమక్రమంగా ఫ్యామిలీ ఆడియెన్స్ నుంచి పాజిటివ్ రెస్పాన్స్ కూడా పెరుగుతోంది. ఈ నేపథ్యంలో మూవీటీమ్ ఓ స్పెషల్ ఇంటర్వ్యూను నిర్వహించి మూవీకి సంబంధించి పలు విషయాలను పంచుకుంది.
రమణగాడి బ్లాక్ బస్టర్ ఇంటర్వ్యూ పేరుతో వీడియోను రిలీజ్ చేసింది. ఇందులో యాంకర్ సుమ - మహేశ్ బాబు, శ్రీలీల ఇద్దరినీ ఇంటర్వ్యూ చేస్తూ కనిపించారు. సుమ ఇంట్రెస్టింగ్ క్వశ్చన్స్ అడుగుతుండగా హీరోహీరోయిన్ ఇద్దరూ వాటికి సమాధానం చెప్పారు. ఈ క్రమంలోనే ఈ ఇంటర్వ్యూలో మహేశ్ బాబు మాట్లాడుతూ చేసిన కామెంట్స్ సోషల్ మీడియాలో వైరల్ అవుతున్నాయి.
అదేంటంటే వాస్తవానికి ఈ గుంటూరు కారం సినిమాలో మహేశ్ బాబు డాన్స్కు మంచి ప్రశంసలు దక్కుతున్నాయి. ఇంతముందు గత చిత్రాల్లో ఎన్నడూ లేని విధంగా ఆయన ఈ సినిమాలో అదిరిపోయే రేంజ్లో మాస్ డ్యాన్స్లను వేశారు.