పీడీఎస్ బియ్యం అక్రమ రవాణాను అడ్డుకున్న యువకులు

పీడీఎస్ బియ్యాన్ని అక్రమంగా రవాణా చేస్తున్న ముఠాను స్థానికులు అడ్డుకున్న ఘటన మహబూబ్​ నగర్ జిల్లా చింతకుంట మండల కేంద్రంలో జరిగింది. ఆ ముఠా నుంచి 70 క్వింటాళ్ల రేషన్ బియ్యాన్ని స్వాధీనం చేసుకున్న యువకులు.. వాటిని పోలీసులకు అప్పగించారు.

రేషన్ బియ్యాన్ని తక్కువ ధరకు తీసుకుని అక్రమంగా ఇతర ప్రాంతాలకు తరలిస్తున్న ఓ ముఠాను మహబూబ్​నగర్ జిల్లా చింతకుంట మండల కేంద్రంలోని యువకులు అడ్డుకున్నారు. రవాణా చేసేందుకు సిద్దంగా ఉంచిన 70 క్వింటాళ్ల పీడీఎస్ బియ్యాన్ని స్వాధీనం చేసుకుని స్థానిక పోలీస్ స్టేషన్​కు తరలించారు.

జిల్లాలోని చిన్న చింతకుంట మండల పరిధిలోని అమ్మాపూర్, తిరుమలాపూర్ పరిసర ప్రాంతాల్లో లబ్ధిదారుల వద్ద నుంచి కొందరు పీడీఎస్ బియ్యాన్ని తక్కువ ధరకు కొనుగోలు చేసి అక్రమంగా ఇతర ప్రాంతాలకు తరలిస్తున్నారు. ఈ క్రమంలో సోమవారం రేషన్ బియ్యాన్ని లారీలో ఎక్కిస్తుండగా స్థానిక యువకుల ఆపివేశారు. రెండు బొలేరో వాహనాలు, ఓ లారీ సహా 70 క్వింటాళ్ల పీడీఎస్ బియ్యాన్ని పోలీస్ స్టేషన్​కు పంపించారు. ఈ ఘటనలో అమరచింతకు చెందిన రాజశేఖర్​పై పోలీసులు కేసు నమోదు చేశారు. గతంలో కూడా ఇటువంటి సంఘటనలు జరిగినా అధికారులు పట్టించుకోవడం లేదని స్థానికులు వాపోయారు.

ఇదీ చదవండి:మేకపిల్లను కాపాడబోయి ఇంటర్ విద్యార్థి మృతి