Drunk and drive in hyderabad: మద్యం మత్తు ఇద్దరు యువకులను విచక్షణ కోల్పోయేలా చేసింది. తాగిన మైకంలో ఆటోతో రోడ్డుపైకి చేరిన యువకులు.. కాసేపు అక్కడ హల్చల్ సృష్టించారు. వాహనదారులు, స్థానికులను హడలెత్తించారు. వీరి చేష్టలను భరించలేని స్థానికులు ఏం చేశారంటే..
వెంబడించి.. పట్టుకుని
పట్టపగలే పీకల దాకా మద్యం సేవించిన ఇద్దరు యువకులు ఆటో నడుపుతూ హైదరాబాద్ బంజారాహిల్స్‌లో బీభత్సం సృష్టించారు. ఆటోతో పలువురిని ఢీకొట్టడంతో పాటు పూటుగా తాగి మరికొందరిపై దాడులకు పాల్పడ్డారు. జూబ్లీహిల్స్ చెక్‌పోస్టు నుంచి బంజారాహిల్స్‌ వరకు ఈ తాగుబోతులు వీరంగం చేశారు. ఇతర వాహనదారుల చరవాణిలను లాక్కుని నానా హంగామా చేశారు.
పోకిరీల చేష్టలతో కోపోద్రిక్తులైన స్థానికులు వారిని వెంబడించి పట్టుకుని దేహశుద్ది చేశారు. అనంతరం వారు పోలీసులకు ఫిర్యాదు చేశారు. ఆటోతో పాటు పోకిరీలను పోలీసులు.. బంజారాహిల్స్‌ ఠాణాకు తరలించారు.
ఇదీ చదవండి:Drunken Teacher Beat Students: మద్యం మత్తులో విద్యార్థులను చితకబాదిన ఉపాధ్యాయుడు