POLICE SEIZED MONEY IN KURNOOL: ఆంధ్రప్రదేశ్ కర్నూలు జిల్లా హాలహర్వి చెక్‌పోస్ట్‌ వద్ద 65 లక్షల రూపాయల నగదును పోలీసులు స్వాధీనం చేసుకున్నారు. ఆర్టీసీ బస్సులో పోలీసులు తనిఖీలు నిర్వహిస్తుండంగా ఓ వ్యక్తి అనుమానాస్పదంగా కనిపించాడు. దీంతో పోలీసులు అతడి బ్యాగ్‌ను తనిఖీ చేయగా రూ.65 లక్షలను గుర్తించారు. దీంతో నగదుకు సంబంధించి బిల్లులు అతనిని అడిగారు.
ఆ వ్యక్తి ఆడబ్బుకు సంబంధించి ఎటువంటి బిల్లులు లేకపోవడంతో పోలీసులు వాటిని స్వాధీనం చేసుకున్నారు. ఆదోనికు చెందిన ఆ వ్యక్తిని అదుపులోకి తీసుకుని విచారిస్తున్నారు. కర్ణాటక నుంచి ఆదోనికి ఈ డబ్బును తరలిస్తున్నట్లు సమాచారం.
ఆర్టీసీ బస్సులో తనిఖీలు.. ఓ వ్యక్తి నుంచి రూ.65 లక్షలు స్వాధీనం