వాట్సాప్ వీడియోకాల్ చేసి నగ్న చిత్రాలు పంపించి.. నీ నగ్న చిత్రం పంపమని.. ఆపై బ్లాక్‌ మెయిల్‌ చేసి డబ్బు స్వాహా చేసిన ఘటనలు ఇటీవల మైలార్‌దేవుపల్లి పరిసరాల్లో చోటుచేసుకున్నాయి.
నువ్వంటే పిచ్చి ప్రేమ అంటూ ట్రాప్
మైలార్‌దేవుపల్లి ఇన్‌స్పెక్టర్‌ నరసింహ కథనం ప్రకారం... వారం రోజుల క్రితం లక్ష్మీగూడలో ఉండే ఇంటర్‌ విద్యార్థి(20) సెల్‌ఫోన్‌కు ఓ యువతి (యువకుడే ప్రత్యేక యాప్‌ సాయంతో అలా చేశాడు) నుంచి కాల్ వచ్చింది. నీ అందం చూసి పడిపోయానంటూ మూడు గంటల పాటు మాట్లాడాడు. మరుసటి రోజు వీడియో కాల్ వచ్చింది. ఓ యువతి తల కనిపించకుండా నగ్నంగా కనిపించింది. నువ్వంటే నాకు పిచ్చిప్రేమ... అందుకే ఇలా కనిపిస్తున్నానంటూ ఏమార్చాడు. ఆపై నాకు నీ నగ్న చిత్రం లేదా వీడియో పంపించాలని కోరింది. ఆ మాటలకు మోసపోయిన విద్యార్థి నగ్నంగా తయారై వీడియోకాల్‌లో కనిపించాడు.