వ్యవసాయ మోటార్లకు కెపాసిటర్ బ్యాంకులను తప్పక వినియోగించాలని, తద్వారా విద్యుత్తు పొదుపు సాధ్యమవుతుందని విద్యుత్తు పంపిణీ సంస్థలు ప్రచారం చేస్తున్నా ఆశించిన స్పందన లేదు. తెలంగాణ వ్యాప్తంగా దాదాపు 26 లక్షల మోటార్లుండగా, కెపాసిటర్లు బిగించినవి ఒక్క శాతమూ లేకపోవటం పరిస్థితిని చెప్పకనే చెబుతోంది. మరోవైపు అధిక విద్యుత్తు వినియోగంతో సర్కారుపై బిల్లుల భారం పడుతోంది. యాసంగిలో సాగు విస్తీర్ణంతో పాటు బోర్ల వినియోగమూ పెరుగుతోంది. ఈ నేపథ్యంలో కెపాసిటర్ బ్యాంకులపై రైతులు దృష్టిపెట్టాల్సి ఉంది. 5 హెచ్‌పీ మోటారుకు కెపాసిటరును బిగిస్తే 5శాతం వరకూ విద్యుత్ పొదుపు అవుతుందని అధికారులు చెబుతున్నారు.
మోటార్ల వినియోగంలో నిపుణుల సూచనలు..
* రైతులు త్రీఫేజ్‌ మోటారు స్టార్టర్ల దగ్గర కెపాసిటర్లను బిగించుకుంటే వోల్టోజీ పెరుగుతుంది. విద్యుత్ వినియోగం తగ్గి, పంపుసెట్టు జీవితకాలం పెరుగుతుంది
* పీవీసీ పైపులైను వాడితే ఎక్కువ విద్యుత్తు విడుదలవుతుంది
* డెలివరీ లైన్లలో, సక్షన్‌లో, ఎక్కువ జాయింట్లు, బెండ్లు (వంపులు) లేకుండా చూసుకోవాలి
* తక్కువ నిరోధకశక్తిగల ఫుట్‌వాల్వును వాడాలి
* పంపుసెట్ల తయారీదారు సూచించినట్లుగా లూబ్రికేట్‌ చేయాలి
* తక్కువ నీటి వినియోగానికి వీలుగా రైతు పంట మార్పిడి విధానాన్ని అనుసరించాలి