'ఆర్‌ఆర్‌ఆర్' సినిమా చూస్తూ మృతి చెందిన అభిమాని

ఏపీలోని అనంతపురంలో ఎస్వీ థియేటర్‌లో ఆర్‌ఆర్‌ఆర్ సినిమా చూస్తూ వ్యక్తి మృతి చెందాడు. ఆస్పత్రికి తరలించేలోగానే మృతిచెందినట్లు వైద్యులు ధ్రువీకరించారు.

ఆర్​ఆర్​ఆర్ చిత్రం విడుదల సందర్భంగా ప్రపంచవ్యాప్తంగా అభిమానులు సందడి చేస్తుండగా.. ఏపీలోని అనంతపురంలో మాత్రం విషాదం చోటు చేసుకుంది. అనంతపురంలోని ఎస్వీ థియేటర్​లో సినిమా చూస్తూనే ఓ అభిమాని కుప్పకూలాడు. అతడిని సమీపంలోని ఆస్పత్రికి తరలిస్తుండగా.. మార్గంమధ్యలోనే మృతిచెందాడు.

నగరంలోని అంబేద్కర్​నగర్​కు చెందిన ఓబులేసు మిత్రులతో కలిసి సినిమా చూసేందుకు వెళ్లాడు. RRR చిత్రం చూడటానికి రాత్రి నుంచి అభిమానులతో కలిసి సందడి చేసిన ఓబులేసు.. చివరకు సినిమా చూస్తూనే మృతిచెందడంతో కుటుంబ సభ్యులు, మిత్రులు కన్నీటి పర్యంతమయ్యారు.

ఇదీ చదవండి:RRR Movie Review: 'ఆర్​ఆర్​ఆర్​' ఎలా ఉందంటే?