1. 28న హైదరాబాద్కు ప్రధాని
హైదరాబాద్కు ప్రధాని మోదీ పర్యటన ఖరారైంది. ఈనెల 28న హైదరాబాద్కు మోదీ రానున్నారు. భారత్ బయోటెక్ సంస్థ తయారు చేస్తున్న కొవిడ్ వ్యాక్సిన్ పురోగతి పరిశీలన కోసం నరేంద్రమోదీ హైదరాబాద్ రానున్నారు. పూర్తి వివరాల కోసం క్లిక్ చేయండి.
2.ఎస్ఈసీ ఆగ్రహం
గ్రేట‌ర్ ఎన్నికల ప్రచారంలో అభ్యర్థుల తీరుపై రాష్ట్ర ఎన్నికల సంఘం తీవ్ర ఆగ్రహం వ్యక్తం చేసింది. జీహెచ్ఎంసీ ఎన్నికల్లో రాజకీయ నేతలు నిరాధారంగా వ్యక్తిగత విమర్శలు చేస్తున్నారని... కొందరు నాయకులు వ్యక్తిగత దూషణలకు పాల్పడుతున్నట్లు గమనించామని రాష్ట్ర ఎన్నికల సంఘం ప్రకటించింది. పూర్తి వివరాల కోసం క్లిక్ చేయండి.
3.'తెలంగాణపై సవతి తల్లి ప్రేమ'
హైదరాబాద్లోని పలు డివిజన్లలో తెరాస కార్యనిర్వాహక అధ్యక్షుడు కేటీఆర్ రోడ్షో నిర్వహించారు. తెరాస అభ్యర్థులను పెద్ద మెజార్టీతో గెలిపించి బల్దియాకు పంపాలని ఆయన సూచించారు. కేంద్రంపై మండిపడిన కేటీఆర్... దిల్లీ నుంచి కమలం పెద్దలు గుంపులు రాష్ట్రానికి వస్తున్నారని ఎద్దేవా చేశారు. పూర్తి వివరాల కోసం క్లిక్ చేయండి.
4.భాజపా వరాలు
జీహెచ్ఎంసీ ఎన్నికల్లో అధికారానికి వస్తే... ఎల్‌ఆర్‌ఎస్‌ను రద్దు చేస్తామని భాజపా ప్రకటించింది. జీహెచ్ఎంసీ భాజపా ఎన్నికల మేనిఫెస్టోను... మహారాష్ట్ర మాజీ ముఖ్యమంత్రి దేవేంద్ర ఫడణవీస్‌ విడుదల చేశారు. సామాన్యుల ఆకాంక్షల మేరకే ఎన్నికల మేనిఫెస్టోను రూపొందించినట్లు ఆయన తెలిపారు. వరదసాయం కింద అర్హులందరికీ... 25 వేల చొప్పున బ్యాంకు ఖాతాలో వేస్తామని మేనిఫెస్టోలో భాజపా హామీ ఇచ్చింది. పూర్తి వివరాల కోసం క్లిక్ చేయండి.
5.రాష్ట్రంపై నివర్ ఎఫెక్ట్
నివర్ ప్రభావం రాష్ట్రంపై ఉందని హైదరాబాద్ వాతావరణ కేంద్రం వెల్లడించింది. ఈ రోజు అక్కడక్కడ ఉరుములు మెరుపులతో పాటు తేలికపాటి నుంచి ఓ మోస్తరు వర్షాలు కురిసే అవకాశం ఉందని తెలిపింది. రేపు కొన్ని చోట్ల, ఎల్లుండి ఒకటి రెండు చోట్ల వర్షాలు కురుస్తాయని పేర్కొంది. పూర్తి వివరాల కోసం క్లిక్ చేయండి.