"ఈటీవీ భారత్" కథనానికి స్పందన .. శ్రీనిత్యకు ఆర్థిక సాయం

'నిత్య' రోదన పేరుతో ఈటీవీ భారత్​లో వచ్చిన కథనానికి స్పందన వచ్చింది. ఏపీ​లోని అనంతపురం జిల్లా తనకల్లు మండలంలో కంటి చూపు కోల్పోయిన శ్రీనిత్యకు స్పేస్ విద్యా సంస్థల యాజామాన్యం ఆర్థిక సాయం చేసింది.

ఈటీవీ భారత్ కథనానికి స్పందించిన దాతలు.. ఏపీ​లోని అనంతపురం జిల్లా తనకల్లులో చూపు కోల్పోయిన విద్యార్థి శ్రీనిత్యకు ఆర్థిక సాయం అందజేశారు. మండల కేంద్రానికి చెందిన బీటెక్ విద్యార్థిని శ్రీనిత్య అనారోగ్యంతో చూపు కోల్పోయింది. ఆమె ఆరోగ్య, కుటుంబ పరిస్థితులపై ఈటీవీ భారత్​లో కథనం వచ్చింది.

కదిరి పట్టణానికి చెందిన హరీష్, స్పేస్ విద్యా సంస్థల వ్యవస్థాపకులు పద్మ, శ్రీనివాస్... శ్రీనిత్యకు 20 వేల రూపాయల ఆర్థిక సాయం చేశారు. పద్మ, శ్రీనివాస్​ల కుమారుడు ప్రశాంత్ శ్రీనిత్యకు చెక్కు అందించారు. విజయవాడకు చెందిన ఎన్​ఆర్ ఎంటర్ ప్రైజెస్ యజమాని వెంకటేశ్వరరావు రూ.6 వేలు శ్రీనిత్య కుటుంబానికి ఇచ్చారు.

ఇదీ చూడండి:హోటళ్లోకి దూసుకెళ్లిన కారు.. ఇద్దరు మృతి