'మిగతా మంత్రుల భూకబ్జాలపై కూడా సమగ్ర విచారణకు ఆదేశించాలి'

మంత్రి ఈటల రాజేందర్​పై అంశంపై భాజపా రాష్ట్ర అధ్యక్షుడు బండి సంజయ్​ స్పందించారు. ఎన్నో అక్రమాలను పక్కదోవ పట్టించిన తెరాస ప్రభుత్వం... ఇలాంటి విపత్కర సమయంలో ఈటల అంశం తెరమీదకు ఎందుకు తీసుకొచ్చారో చెప్పాలన్నారు. ప్రజల దృష్టి మరల్చడానికే కేసీఆర్​... కొత్త డ్రామా మొదలుపెట్టారని ఆరోపించారు.

ముఖ్యమంత్రి కేసీఆర్​కు చిత్తశుద్ధి ఉంటే ఆరోపణలు వచ్చిన మిగతా మంత్రులు, ఎమ్మెల్యేల భూకబ్జాలపై కూడా సమగ్ర విచారణకు ఆదేశించాలని భాజపా రాష్ట్ర అధ్యక్షుడు బండి సంజయ్​ డిమాండ్‌ చేశారు. సంచలన కేసులనే తప్పుదోవ పట్టించిన తెరాస సర్కార్‌... ఈటల మీద మాత్రమే ఆగమేఘాలపై ఎందుకు విచారణ చేపట్టారో చెప్పాలన్నారు.

కరోనా విపత్కర సమయంలో ప్రభుత్వం వైఫల్యం నుంచి ప్రజల దృష్టి మరల్చేందుకే ఈ కొత్త డ్రామాకు తెరతీశారని బండి ఆరోపించారు. కరోనా కేసులు, మరణాలు, వ్యాక్సిన్​ కొరత లాంటి అంశాలపై ఇప్పటి వరకు నోరు మెదపని కేసీఆర్​... ఉన్నట్టుండి ఈ అంశాన్ని తెరకు మీదకు తీసుకురావటం వెనుక ఆంతర్యమేంటో జనాలకు అర్థమవుతోందన్నారు. తెరాస పార్టీ అక్రమాలపై విచారణ చేపట్టాలంటే పక్క రాష్ట్రం నుంచి కూడా అధికారులను తీసుకురావాల్సిన పరిస్థితి ఉంటుందని సంజయ్​ ఎద్దేవా చేశారు.

ఇదీ చూడండి: మంత్రి ఈటల నుంచి వైద్య ఆరోగ్యశాఖ సీఎంకు బదిలీ