పింఛనుదారులకు ఈపీఎఫ్​ఓ రూ.764 కోట్లు చెల్లింపు

ఏప్రిల్ నెలకు గానూ పింఛనుదారులకు రూ.764 కోట్లు పంపిణీ చేసినట్లు ప్రకటించింది ఉద్యోగుల భవిష్య నిధి సంస్థ (ఈపీఎఫ్​ఓ). లాక్​డౌన్​ నేపథ్యంలో కార్మిక శాఖ ఆదేశాలతో ముందస్తుగానే ఈ చెల్లింపులు జరిపినట్లు వెల్లడించింది.

పింఛను పథకం కింద ఏప్రిల్ నెలకుగానూ రూ.764 కోట్లు పంపిణీ చేసినట్లు ఉద్యోగుల భవిష్య నిధి సంస్థ (ఈపీఎఫ్​ఓ) తెలిపింది. 65 లక్షల మంది పింఛనుదారులకు ఈ మొత్తాన్ని చెల్లించినట్లు తెలిపింది.

దేశవ్యాప్త లాక్​డౌన్​ నేపథ్యంలో పింఛనుదారులకు అసౌకర్యం కలగకుండా చూడాలని కార్మికశాఖ ఆదేశాలానుసారం.. ఏప్రిల్​లో ముందస్తుగానే చెల్లింపులు జరిపినట్లు ఈపీఎఫ్​ఓ పేర్కొంది.

దేశవ్యాప్తంగా ఉన్న నోడల్ శాఖలకు ఈ మొత్తాన్ని (రూ.764 కోట్లను) పంపిణీ చేసేందుకు అధికారులు, ఇతర సిబ్బంది తీవ్రంగా కృషి చేసినట్లు ఈపీఎఫ్​ఓ తెలిపింది.

ఇదీ చూడండి:ఎన్​బీఎఫ్​సీల రుణాలపైనా మారటోరియం పొడిగింపు!