అంతర్జాతీయ సానుకూల పవనాలతో.. లాభాలు

అమెరికా- చైనా వాణిజ్య ఒప్పందం సాకారమవుతుందని ట్రంప్ ప్రకటించిన నేపథ్యంలో దేశీయ స్టాక్​ మార్కెట్లు లాభపడ్డాయి. సెన్సెక్స్​ 320 పాయింట్లు లాభపడి 41,626 వద్ద స్థిరపడగా, నిఫ్టీ 99 పాయింట్లు వృద్ధి చెంది జీవనకాల గరిష్ఠం 12,282 వద్ద ముగిసింది.

దేశీయ స్టాక్​ మార్కెట్లు మంచి లాభాలతో ముగిశాయి. రిలయన్స్ ఇండస్ట్రీస్​, హెచ్​డీఎఫ్​సీ ట్విన్స్​ రాణించడం ఇందుకు దోహదపడ్డాయి. యూఎస్​- చైనా తొలిదశ వాణిజ్య ఒప్పందంపైజనవరి 15న సంతకం చేయనున్నట్లు అమెరికా అధ్యక్షుడు డొనాల్డ్​ ట్రంప్ వెల్లడించడం, చైనా సెంట్రల్​ బ్యాంకు ఉద్దీపనలు ప్రకటించడం కలిసొచ్చింది.

బొంబాయి స్టాక్ ఎక్స్ఛేంజి సూచీ సెన్సెక్స్​ 320 పాయింట్లు వృద్ధి చెంది 41,626 వద్ద ముగిసింది. జాతీయ స్టాక్​ ఎక్స్ఛేంజి సూచీ నిఫ్టీ 99 పాయింట్లు లాభపడింది. 12,282 పాయింట్లతో జీవనకాల గరిష్ఠం వద్ద ముగిసింది.

లాభనష్టాల్లో

అల్ట్రాటెక్​ సిమెంట్​, టాటా స్టీల్​, గ్రాసిమ్​, ఇండస్ ​ఇండ్​ బ్యాంకు, లార్సెన్​ అండ్ టుబ్రో, రిలయన్స్​ ఇండస్ట్రీస్​, ఎస్​బీఐ, హెచ్​డీఎఫ్​సీ, హెచ్​డీఎఫ్​సీ బ్యాంకు, యాక్సిస్​ బ్యాంకు, ఓఎన్​జీసీ, ఐటీసీ రాణించాయి.

బజాజ్​ ఆటో, టీసీఎస్​, ఇన్ఫోసిస్​, ఎన్​టీపీసీ, నెస్లే ఇండియా, కోటక్​ మహీంద్రా, హీరోమోటోకార్ప్​ నష్టపోయాయి.

ఆసియా మార్కెట్లు

హాంగ్​సెంగ్​, షాంగై కాంపోజిట్​ లాభపడగా... నిక్కీ, కోస్పీ నష్టపోయాయి. యూరోపియన్ మార్కెట్లు కూడా లాభాలతో ప్రారంభమయ్యాయి.

రూపాయి విలువ

రూపాయి విలువ 11 పైసలు తగ్గి, ఒక డాలరుకు రూ.71.33గా ఉంది.

ముడిచమురు

అంతర్జాతీయ మార్కెట్​లో ముడిచమురు ధర 0.42 శాతం పెరిగింది. ప్రస్తుతం బ్యారెల్​ ధర 66.28 డాలర్లుగా ఉంది.

ఇదీ చూడండి:ఎయిర్​ ఇండియా, బీపీసీఎల్​ల ప్రైవేటీకరణ ఇప్పట్లో కష్టమే!