ఇంటర్నెట్ వేగం విషయంలో రిలయన్స్‌ జియో మరోసారి అగ్రస్థానంలో నిలిచింది. 4జీ సెగ్మెంట్‌లో 21.9 మెగాబిట్‌ పర్‌ సెకండ్‌ సగటు వేగంతో టాప్‌లో నిలిచింది. అప్‌లోడ్‌ విషయంలో 6.2 ఎంబీబీపీఎస్‌ స్పీడ్‌తో వొడాఫోన్ ఐడియా మొదటి స్థానం సొంతం చేసుకుంది. ఈ మేరకు జూన్‌కు సంబంధించిన డేటాను టెలికాం నియంత్రణ సంస్థ ట్రాయ్‌ వెల్లడించింది.
డౌన్లోడ్లో జియో జోరు- అప్లోడ్లో..
4జీ ఇంటర్నెట్ సెగ్మెంట్‌లో రిలయెన్స్ జియో తన అగ్రస్థానాన్ని నిలబెట్టుకుంది. జూన్‌ నెలకు సంబంధించి 21.9 ఎంబీపీఎస్ యావరేజ్ డౌన్లోడ్ స్పీడ్‌తో రిలయన్స్‌ జియోకు తొలిస్థానం దక్కింది. అప్‌లోడ్‌ సెగ్మెంట్‌లో 6.2 ఎంబీపీఎస్ డేటా స్పీడ్‌తో వొడాఫోన్ ఐడియా అగ్రస్థానం సంపాదించింది.
జియో, వొడాఫోన్
డౌన్లోడ్ స్పీడ్‌విషయంలో వొడాఫోన్ ఐడియా 6.5 ఎంబీపీఎస్ సగటు వేగం అందిస్తుండగా.. జియో అంతకు మూడు రెట్ల వేగంతో డేటాను అందిస్తోంది. ఈ విషయంలో ఎయిర్‌టెల్‌ మూడోస్థానంలో నిలిచింది. 5ఎంపీబీఎస్‌ సగటు వేగాన్ని ఆ కంపెనీ నమోదు చేసినట్లు ట్రాయ్‌ పేర్కొంది. మైస్పీడ్‌ అప్లికేషన్‌ సాయంతో దేశంలోని వివిధ ప్రాంతాల్లో సేకరించిన డేటా ఆధారంగా ఈ వివరాలను ట్రాయ్‌ ప్రతి నెలా వెల్లడిస్తుంది. ప్రభుత్వ రంగ బీఎస్‌ఎన్‌ఎల్‌ పలు ప్రాంతాల్లో 4జీ సేవలను అందిస్తున్నప్పటికీ ట్రాయ్‌ డేటాలో పొందుపరచడం లేదు.
ఇదీ చూడండి:ఆ దేశంలో 'అలెక్సా'కు కొత్త చిక్కు!