నేటితో ముగియనున్న ఎంసెట్ పరీక్షలు

నేటితో ఎంసెట్ పరీక్షలు ముగియనున్నాయి. ఈ నెల 11న విద్యార్థులకు ప్రశ్నాపత్రాలను, ప్రాథమిక సమాధానాలను పంపించాలని అధికారులు నిర్ణయించారు.

ఎంసెట్ పరీక్షలు నేటితో ముగియనున్నాయి. ఆన్​లైన్ ప్రశ్నపత్రాలతో పాటు... ప్రాథమిక సమాధానాలను ఈనెల 11న విద్యార్థులకు పంపించాలని అధికారులు నిర్ణయించారు. ఈ నెల 3, 4, 6 తేదీల్లో ఇంజినీరింగ్, నిన్న ఫార్మా, అగ్రికల్చర్ ఆన్​లైన్ పరీక్షలు పూర్తయ్యాయి. ఇవాళ ఉదయం ఫార్మా, వ్యవసాయ పరీక్షతో ఎంసెట్ ముగియనుంది.

ఇంజినీరింగ్​ పరీక్షకు లక్షా 31 వేల మంది విద్యార్థులు హాజరు కాగా... నిన్నటి ఫార్మా, వ్యవసాయ ప్రవేశ పరీక్షలను రాష్ట్రవ్యాప్తంగా 91.5శాతంతో 45 వేల 660 మంది విద్యార్థులు రాశారు. ఎంసెట్ ఆన్​లైన్​లో నిర్వహించినందున... సమాధానాలను విశ్లేషించుకోవడానికి విద్యార్థులకు ఈనెల 11న ప్రశ్నాపత్రాలను మెయిల్ ద్వారా పంపించనున్నారు. వాటికి సంబంధించిన ప్రాథమిక కీ కూడా అదే రోజు పంపిస్తారు. విద్యార్థుల నుంచి అభ్యంతరాలు స్వీకరించిన తర్వాత తుది కీ ఖరారు చేస్తారు.

ఇవీ చూడండి: పనామా చోరీ రాంజీ గ్యాంగ్ పనేనా?