15:35 March 07
దీదీ చాలా కాలంగా తెలుసు..
బంగాల్ సీఎం మమతా బెనర్జీ ప్రభుత్వంపై మోదీ తీవ్ర స్థాయిలో విమర్శలు చేశారు. అవినీతికి పాల్పడి, బంగాల్ ప్రజలను దోచుకున్నారని, అంపన్ తుపానుకు ఇచ్చిన రిలీఫ్ ప్యాకేజీని కూడా లూటీ చేశారని ఆరోపించారు.
"దీదీ నాకు చాలా కాలంగా తెలుసు. వామపక్షాలకు వ్యతిరేకంగా గళం విప్పిన వ్యక్తి ఆమెలో ఇప్పుడు లేరు. ఇప్పుడామె వేరొకరి భాష మాట్లాడుతున్నారు, వారే ఆమెను నియంత్రిస్తున్నారు."
- నరేంద్ర మోదీ, ప్రధాని
15:15 March 07
రైతులు, వ్యాపారవేత్తలు, సోదరీమణులు, కుమార్తెల అభివృద్ధికి తాము తీవ్రంగా కృషి చేస్తున్నాం అని నమ్మకం కలిగించేందుకే ఇక్కడకు వచ్చానని మోదీ అన్నారు. మీ కలలను సాకారం చేసేందుకు ప్రతి క్షణం మేము శ్రమిస్తామని బంగాల్ ప్రజలను ఉద్దేశించి పేర్కొన్నారు.
'ఇక్కడ ప్రజా స్వామ్య వ్యవస్థ ఎలా ధ్వంసమైందో మీకు తెలుసు. భాజపా తిరిగి దానిని బలోపేతం చేస్తుంది. ప్రభుత్వం, పోలీసులపై ప్రజలకు తిరిగి నమ్మకం పెరిగేలా మేము మార్పు తెస్తాం.' - మోదీ
15:10 March 07
14:51 March 07
14:07 March 07
కోల్కతాలో మోదీ
కోల్కతాలో ప్రధానమంత్రి నరేంద్ర మోదీ అడుగుపెట్టారు. బ్రిగేడ్ పరేడ్ మైదాన్లోని సభా వేదిక వద్దకు వెళ్లేందుకు ఆయన పయనమయ్యారు. ఈ మేరకు ట్విట్టర్ వేదికగా మోదీ తెలిపారు. పార్టీ కార్యకర్తలతో పాటు, బంగాల్ ప్రజల మధ్య జరగనున్న సభలో పాల్గొనేందుకు ఆసక్తిగా ఉన్నానని చెప్పారు.
13:55 March 07
టీఎంసీ ఓ ప్రైవేట్ లిమిటెడ్ కంపెనీ: సువేందు
బ్రిగేడ్ పరేడ్ మైదాన్లోని భాజపా ఎన్నికల ప్రచార సభలో తృణమూల్ కాంగ్రెస్పై భాజపా నేత సువేందు అధికారి తీవ్ర స్థాయిలో విమర్శలు చేశారు. టీఎంసీ అంటే రాజకీయ పార్టీ కాదని, ఓ ప్రైవేట్ లిమిటెడ్ కంపెనీ అని విమర్శించారు. ఆ కంపెనీకి ఛైర్మన్ మమతా బెనర్జీ కాగా, ఆమె అల్లుడు దానికి ఎండీ అని ఎద్దేవా చేశారు.
13:32 March 07
భారీగా ప్రజలు..
ప్రధాని మోదీ.. మరికొద్దిసేపట్లో కోల్కతాకు చేరుకోనున్నారు. అక్కడ ఏర్పాటు చేసిన ఎన్నికల ర్యాలీలో పాల్గొనున్నారు. ఇందుకోసం ప్రజలు భారీ స్థాయిలో బ్రిగేడ్ గ్రౌండ్కు తరలివెళ్లారు. మోదీ రాక కోసం ఎదురుచూస్తున్నారు.
12:54 March 07
లైవ్: భాజపా తీర్థం పుచ్చుకున్న మిథున్ చక్రవర్తి
భాజపాలోకి మిథున్ చక్రవర్తి..
బంగాల్లో ప్రధాని సభా వేదికగా.. బాలీవుడ్ నటుడు మిథున్ చక్రవర్తి భాజపాలో చేరారు. భాజపా జాతీయ ప్రధాన కార్యదర్శి కైలాశ్ విజయవర్గీయ, బంగాల్ భాజపా అధ్యక్షుడు దిలీప్ ఘోష్ సమక్షంలో ఆయన కాషాయ కండువా కప్పుకున్నారు.
10:16 March 07
లైవ్: బంగాల్ గడ్డపై మోదీ భారీ ఎన్నికల ర్యాలీ
బంగాల్లో ప్రధాన మంత్రి నరేంద్ర మోదీ పర్యటనకు పార్టీ కార్యకర్తలు అన్ని ఏర్పాట్లు చేశారు. కోల్‌కతాలోని బ్రిగేడ్ పరేడ్ మైదానంలో నిర్వహించే భాజపా ప్రచార సభలో నేడు ఆయన పాల్గొననున్నారు. ఈ నేపథ్యంలో కట్టుదిట్టమైన బందోబస్తు ఏర్పాట్లు చేశారు.
కోల్కతా నగరవ్యాప్తంగా 1,500 సీసీ కెమెరాలు ఏర్పాటు చేశారు. వేదికను పర్యవేక్షించడానికి డ్రోన్ కెమెరాలను వినియోగిస్తున్నారు. ఈ సభకు 7 లక్షల మంది వరకు హాజరవనున్నారని అంచనా వేస్తున్నారు. బ్రిగేడ్ పరేడ్ మైదానం ప్రవేశ మార్గం వద్ద బారికేడ్లను ఏర్పాటు చేశారు. అసెంబ్లీ ఎన్నికల షెడ్యూల్‌ ప్రకటించిన తర్వాత తొలిసారిగా బంగాల్లో మోదీ పర్యటిస్తుండటం గమనార్హం.