ఉత్తరాఖండ్‌లో చోటుచేసుకున్న భారీ హిమపాతంలో మృతుల సంఖ్య 26కు చేరింది. శుక్రవారం మరో 10 మృతదేహాలను సహాయక బృందాలు వెలికితీశాయి. నెహ్రూ ఇన్‌స్టిట్యూట్‌ ఆఫ్‌ మౌంటనీరింగ్‌ సంస్థ ఈ విషయం వెల్లడించింది. మరో ముగ్గురి జాడ తెలియాల్సి ఉంది. మృతుల్లో 24 మంది ట్రెయినీ పర్వతారోహకులుకాగా, మరో ఇద్దరు వారికి శిక్షణ ఇస్తున్న వారు.
ఉత్తరాఖండ్ హిమపాతానికి 26 మంది బలి.. మరో ముగ్గురి కోసం గాలింపు - ఉత్తరాఖండ్ హిమపాతం
ఉత్తరాఖండ్ హిమపాతంలో మరణించిన వారి సంఖ్య 26కు చేరింది. శుక్రవారం సహాయక బృందాలు మరో 10 మృతదేహాలు వెలికితీశాయి.
ఉత్తరాఖండ్ హిమపాతం
ద్రౌపదీ కా డాండా-2 పర్వత శిఖరం అధిరోహించి వారంతా తిరిగి వస్తుండగా మంగళవారం ఉదయం ఈ దుర్ఘటన చోటు చేసుకుంది. ట్రెయినీ పర్వతారోహకుల్లో బంగాల్‌, దిల్లీ, తెలంగాణ, తమిళనాడు, కర్ణాటక, అసోం, హరియాణా, గుజరాత్‌, హిమాచల్‌ ప్రదేశ్‌, ఉత్తరాఖండ్, ఉత్తర్‌ప్రదేశ్‌ రాష్ట్రాలకు చెందినవారు ఉన్నారు. మృతదేహాలు అన్నింటికీ గుర్తింపు ప్రక్రియ ఇంకా పూర్తికాలేదు.