కుంభమేళా సందర్భంగా ఉత్తరాఖండ్ హరిద్వార్లోని హర్ కీ పౌరీ ఘాట్ భక్తులతో కిక్కిరిసిపోయింది. లక్షల సంఖ్యలో భక్తులు, సాధువులు పవిత్ర గంగానదిలో మూడో షాహీ స్నానాలు ఆచరించారు. ఈ ఏడాది హరిద్వార్లో మొత్తం నాలుగు షాహీ స్నానాలు, తొమ్మిది గంగా స్నానాలు నిర్వహించనున్నారు. కరోనా వేళ భక్తులు లక్షల సంఖ్యలో హాజరుకావటంపై అధికారులు ఆందోళన వ్యక్తం చేస్తున్నారు.
మొదటి షాహీ స్నానాలు మార్చి 11న మహాశివరాత్రి సందర్భంగా ముగిశాయి. ఏప్రిల్ 12న రెండో షాహీ స్నానాలు పూర్తయ్యాయి. ఉత్తరాఖండ్లో మంగళవారం కొత్తగా 1,925 కేసులు నమోదయ్యాయి. రాష్ట్రంలో మొత్తం 9,353 క్రియాశీల కేసులు ఉన్నాయి.