'టీకా పంపిణీతో మానవాళికి ప్రయోజనం కలగాలి'

కరోనాపై ప్రపంచానికి సహకారం అందించడంలో భారత్​ ముందుందని విదేశాంగ శాఖ పేర్కొంది. ఇప్పటికే సరిహద్దు దేశాలకు వైద్య సేవలు అందించామని స్పష్టం చేసింది.

కొవిడ్​పై ప్రపంచ దేశాలతో సమష్టి పోరాటంలో భారత్​ ముందుందని విదేశాంగ శాఖ ప్రతినిధి అనురాగ్ శ్రీవాస్తవ అన్నారు. ఇతర దేశాలకు భారత్​​ వ్యాక్సిన్​ అందించడంపై శుక్రవారం ఈ విధంగా స్పందించారు. ఈ విషయంలో అంతర్జాతీయంగా సహకారం అందించడమే భారత్​కు ముఖ్యమని పేర్కొన్నారు.

"సరిహద్దు దేశాలకు ఇప్పటికే వైద్య సాయం అందించాం. సంబంధిత దేశాల నిపుణులకు శిక్షణ కార్యక్రమాలు కూడా నిర్వహించాం. ప్రధాని మంత్రి వ్యాఖ్యలను మనం గుర్తు చేసుకోవాలి."

-అనురాగ్ శ్రీవాస్తవ, విదేశాంగ శాఖ ప్రతినిధి

భారత్​లోని టీకా ఉత్పత్తి సామర్థ్యాన్ని మానవాళికి ఉపయోగపడేలా వినియోగిస్తామని ఇటీవలే ప్రధాని నరేంద్ర మోదీ వ్యాఖ్యానించారు.

ఇదీ చూడండి :యూకే ప్రయాణికులకు 14 రోజుల క్వారంటైన్​