బెంగళూరు రైల్వేస్టేషన్లో ఏర్పాటు చేసిన సొరంగ అక్వేరియం
బెంగళూరు అంటే తోటలు, ఐటీ నగరంగా చెబుతారు. ఐటీ కార్యాలయాలు కొలువైన అద్దాల మేడలు, ఆహ్లాదపరిచే తోటలతో మనసుకు ఉల్లాసాన్ని, ఆహ్లాదాన్ని పంచుతూ ఉంటుంది బెంగళూరు. అలాంటి నగర సిగలో మరో వన్నె చేరింది. దేశంలో రైల్వే స్టేషన్లో ఏర్పాటు చేసిన తొలి సొరంగ అక్వేరియం అందుబాటులోకి వచ్చింది. బెంగళూరులోని క్రాంతివీర సంగోలి రాయన్న రైల్వే స్టేషన్లో గురువారం దీన్ని ప్రారంభించారు.
రైల్వే స్టేషన్‌కు వచ్చే వారికి మాత్రమే కాదు బెంగళూరు ప్రజలు, అక్కడికి విచ్చేసే పర్యాటకులను ఆకట్టుకునేందుకు బెంగళూరు కేఎస్ఆర్ రైల్వే స్టేషన్లో ఈ సొరంగ అక్వేరియంను ఏర్పాటు చేశారు. రైల్వే స్టేషన్ అభివృద్ధి కార్పొరేషన్‌, హెచ్ఎన్ఐ ఎంటర్‌ప్రైజెస్‌ సంస్థ సంయుక్తంగా దీనికి రూపకల్పన చేసింది.