దేశంలో రోజువారీ కరోనా కేసుల సంఖ్య (Corona virus) బుధవారంతో పోల్చితే స్వల్పంగా పెరిగింది. కొత్తగా 54,069 మంది వైరస్ బారిన పడ్డారు. కాగా, మహమ్మారి ధాటికి మరో 1,321 మంది ప్రాణాలు కోల్పోయారు. వైరస్ నుంచి 68,885 మంది కోలుకున్నారు.
- మొత్తం కేసులు:3,00,82,778
- మొత్తం మరణాలు:3,91,981
- కోలుకున్నవారు:2,90,63,740
- యాక్టివ్ కేసులు:6,27,057
బుధవారం ఒక్కరోజే 18,59,469 నమూనాలను పరీక్షించినట్లు భారత వైద్య పరిశోధనా మండలి(ఐసీఎంఆర్) తెలిపింది. దీంతో ఇప్పటివరకు చేసిన మొత్తం పరీక్షల సంఖ్య 39,78,32,667కు చేరింది.
దేశవ్యాప్తంగా 30,16,26,028 వ్యాక్సిన్ డోసులు పంపిణీ చేసినట్లు కేంద్ర వైద్య, ఆరోగ్య శాఖ తెలిపింది.