BTech Panipuri Girl Success Story :పానీపూరి.. చిన్నాపెద్దా తేడా లేకుండా లొట్టలేసుకుని మరీ తినే ఆహారం. ముఖ్యంగా అమ్మాయిల గురించి అయితే.. చెప్పనక్కర్లేదు. కానీ, పానీపూరి అంటే పరిశుభ్రత ఉండదనే అపోహ చాలా మందిలో ఉంటుంది. ఈ సమస్యకు పరిష్కారం చూపుతూ ఆరోగ్యకరమైన, నాణ్యమైన పానీపూరిని అందించాలని లక్ష్యంగా పెట్టుకుంది ఓ యువతి. ఇందుకోసం బీటెక్ చదువుతున్న సమయంలోనే బీటెక్ పానీపూరివాలా పేరుతో వ్యాపారాన్ని ప్రారంభించింది. అంచలంచెలుగా వ్యాపారాన్ని విస్తరించిన యువతి.. ఇప్పుడు దేశవ్యాప్తంగా పేరు సంపాదించింది.
ఉత్తర్ప్రదేశ్ మేరఠ్కు చెందిన తాప్తీ ఉపాధ్యాయ్ బీటెక్ పానీపూరివాలా అనే వ్యాపారాన్ని ప్రారంభించి.. దేశవ్యాప్తంగా విస్తరించింది. విహార యాత్రలకు వెళ్లినప్పుడు అక్కడ తక్కువ ధరల్లో నాణ్యమైన ఆహారం దొరకడం కష్టం అవుతుందని.. ఇలాంటి సమస్యలను అనేక సార్లు తాను ఎదుర్కొన్నానని అందుకే ఈ ఆలోచన వచ్చిందని తాప్తీ చెప్పింది. అనేక ఉత్పత్తులపై పనిచేసిన తాప్తి.. చివరకు పానీపూరి వ్యాపారాన్ని ఎంచుకుంది. ఆ సమయంలో బీటెక్ కంప్యూటర్ సైన్స్ చదువుతున్న నేపథ్యంలో దీనికి 'బీటెక్ పానీపూరివాలా' అని పేరు పెట్టింది. తొలుత బండిపై దిల్లీలోని తిలక్నగర్లో తిరుగుతూ పానీపూరి అమ్మింది. ఆ తర్వాత తిలక్నగర్, హరినగర్ సహా అనేక ప్రాంతాల్లో స్టాళ్లను ఏర్పాటు చేసింది. ప్రధాని మోదీ ఇచ్చిన హెల్తీ ఇండియా పిలుపుతోనే తాను వ్యాపారాన్ని ప్రారంభించానని చెప్పింది తాప్తీ.
ఎప్పటికప్పుడు పానీపూరి రుచిని మెరుగుపరించేందుకు తమ బృందం పనిచేస్తూనే ఉంటుంది. మహిళా సాధికారత కోసం నా వంతు కృషి చేస్తున్నా. మా సంస్థలో 50కి పైగా ఉద్యోగులు ఉండగా.. అందులో 90 శాతం మంది అమ్మాయిలే ఉన్నారు. మరే ఇతర సంస్థతో మేము పోటీ పెట్టుకోము. మా ఉత్పత్తులు ప్రత్యేకంగా ఉండేలా చూసుకుంటాం. దేశవ్యాప్తంగా అనేక కాల్స్ వస్తుంటాయి. అందుకోసమే మేము ఓ ఆఫీస్ను నిర్వహిస్తున్నాం.
--తాప్తీ ఉపాధ్యాయ్, బీటెక్ పానీపూరివాలా వ్యవస్థాపకురాలు