భారత్‌లో కరోనా మహమ్మారిని కట్టడి చేసేందుకు మే 3 వరకూ లాక్‌డౌన్‌ను పొడిగిస్తున్నట్లు ప్రధాని మోదీ ప్రకటించారు. భారత ప్రభుత్వం తీసుకున్న ఈ నిర్ణయాన్ని ప్రపంచ ఆరోగ్య సంస్థ(డబ్ల్యూహెచ్ఓ) స్వాగతించింది. కొవిడ్-19ను సమర్థంగా ఎదుర్కొనేందుకు భారత్‌ తీసుకుంటున్న చర్యల్ని డబ్ల్యూహెచ్ఓ ప్రాంతీయ డైరెక్టర్‌ పూనం ఖేత్రపాల్‌ ప్రశంసించారు. దీనిని క్లిష్ట పరిస్థితుల్లో సమయానుకూల నిర్ణయంగా అభిప్రాయపడ్డారు.
అనేక సవాళ్లు ఎదురవుతున్నప్పటికీ.. కరోనాపై పోరులో భారత్‌ దృఢ నిశ్చయంతో ముందుకు సాగుతుందని కొనియాడారు ఖేత్రపాల్‌. అయితే వైరస్ వ్యాప్తి విషయంలో ఇది ఎంతవరకు సత్ఫలితాన్నిస్తుందో చెప్పడం తొందరపాటు అవుతుందని ఆమె తెలిపింది.
ప్రజల అనుసరణపైనే లాక్డౌన్ ఎత్తివేత