పరువునష్టం కేసు విషయమై కాంగ్రెస్ నేత రాహుల్గాంధీ గుజరాత్లోని అహ్మదాబాద్ కోర్టులో హాజరయ్యారు. కేంద్ర హోంమంత్రి అమిత్షాను.. హత్య కేసు నిందితుడు అంటూ రాహుల్ ఆరోపించిన నేపథ్యంలో ఆయనపై కేసు నమోదైంది. అయితే తాను ఏ తప్పు చేయలేదని రాహుల్ కోర్టుకు వివరించారు.
రాహుల్ వివరణను పరిగణలోకి తీసుకున్న న్యాయస్థానం రూ.10 వేల పూచీకత్తుతో బెయిల్ మంజూరు చేసింది. వ్యక్తిగత హాజరు నుంచి రాహుల్కు మినహాయింపు కోరుతూ ఆయన తరపు న్యాయవాది పిటిషన్ దాఖలు చేశారు. ఈ అంశమై విచారణను డిసెంబర్ 7కు వాయిదా వేసింది న్యాయస్థానం.
మరో కేసులోనూ..
నోట్ల రద్దుకు ముందు అహ్మదాబాద్ జిల్లా సహకార బ్యాంకు (ఏడీసీ) కరెన్సీ మార్పిడి కుంభకోణానికి పాల్పడిందని రాహుల్ ఆరోపించారు. ఈ బ్యాంకు డైరెక్టర్లలో అమిత్షా ఒక సభ్యుడు కావడమే ఇందుకు కారణం. దీనిపై దాఖలైన పరువు నష్టం కేసులోనూ ఆయన నేడు కోర్టు ఎదుట హాజరయ్యారు.