ఖతార్​ విమానం అత్యవసర ల్యాండింగ్- పురిటినొప్పులే కారణం

దోహా నుంచి బ్యాంకాక్​ బయల్దేరిన ​ఓ మహిళ భారత్​లో పండంటి బిడ్డకు జన్మనిచ్చింది. ఖతార్​ ఎయిర్​వేస్​ విమానంలో ప్రయాణిస్తున్న ఆమె ఊహించని విధంగా ప్రస్తుతం కోల్​కతాలో అమ్మతనాన్ని ఆస్వాదిస్తోంది. అసలు ఏం జరిగిందంటే....

ఖతార్​ ఎయిర్​వేస్​ క్యూఆర్​-830 విమానం కోల్​కతాలో అత్యవసరంగా ల్యాండ్​ అయ్యింది. ఏ సాంకేతిక లోపం వల్లో.. లేదా హైజాక్ లాంటి పెద్ద ముప్పులేవో అనుకుంటే పొరపాటే. దోహా నుంచి బ్యాంకాక్​కు ప్రయాణిస్తున్న ఓ మహిళ పురిటి నొప్పులే అత్యవసర ల్యాండింగ్​కు కారణం. ​

ఈ ఖతార్​ విమానంలో ఓ నిండు గర్భిణి ప్రయాణిస్తోంది. థాయ్​ల్యాండ్​కు చెందిన ఆమెకు తెల్లవారుజామున పురిటి నొప్పులు మొదలయ్యాయి. అప్రమత్తమైన విమాన సిబ్బంది వైద్యసేవల నిమిత్తం అత్యవసర ల్యాండింగ్​ చేయాలని నిర్ణయించారు. దగ్గర్లో ఉన్న కోల్​కతా విమానాశ్రయాన్ని సంప్రదించారు పైలట్లు.

వెంటనే స్పందించిన కోల్​కతా విమానాశ్రయ సిబ్బంది ల్యాండింగ్​కు అనుమతించారు. భారత వైద్యులు మహిళకు సేవలందించారు. అలా థాయ్​లాండ్​ బిడ్డ భారత్​లో పురుడుపోసుకుంది. ప్రస్తుతం తల్లీబిడ్డలు ఓ ప్రైవేటు ఆసుపత్రిలో క్షేమంగా ఉన్నారని తెలిపారు అధికారులు.

ఇదీ చదవండి:చిన్నారికి బలవంతంగా మద్యం తాగించిన రౌడీ డాడీ!