ఆ గ్రామం ప్లాస్టిక్ రహితం.. పర్యావరణ హితం
పరిశుభ్రతతో కూడిన పర్యావరణాన్ని సృష్టించేందుకు నడుం బిగించింది ఆ గ్రామం. ఒకసారి వాడిపారేసే ప్లాస్టిక్ నియంత్రణ దిశగా చక్కటి విధానాన్ని అవలంబిస్తోంది.
పుదుచ్చేరిలోని పిల్లైయార్కుప్పం గ్రామస్థులు ఒకసారి వాడిపారేసే ప్లాస్టిక్పై సమష్టి యుద్ధం ప్రకటించారు. గ్రామ కౌన్సిలర్లు, పుదుచ్చేరి పర్యావరణ విభాగంతో కలిసి ఓ బృందంగా ఏర్పడి ప్లాస్టిక్ నియంత్రణకు కృషి చేస్తున్నారు.
వాడిపారేసే ప్లాస్టిక్కు చెక్ పెట్టే దిశగా వస్త్రం, కాగితంతో చేసిన సంచుల తయారీలో ఈ బృంద సభ్యులు శిక్షణ పొందారు.
ఈ బృందం తయారుచేసిన బ్యాగులను స్థానిక షాపులు, కిరణా దుకాణాల వారికి అందిస్తున్నారు. వీరు చేస్తోన్న కృషి ప్రజల మన్ననలు అందుకుంటోంది.