'ప్రయాగ చేతికి' గిన్నిస్

కుంభమేళా వేదికగా 8 గంటల్లో 15వేలమంది చేతి నమూనాలతో గీసిన చిత్రానికి ఉత్తరప్రదేశ్ ప్రభుత్వం, ప్రయాగ్​రాజ్ మేళా అథారిటీ గిన్నిస్ రికార్డు అందుకున్నాయి.

ప్రపంచంలోనే అతిపెద్ద ఆధ్యాత్మిక కార్యక్రమంగా పిలుస్తోన్న కుంభమేళా మరో రికార్డుకు వేదికైంది. గురువారం 500కు పైగా బస్సుల్ని ఒకేసారి ప్రారంభించి రికార్డు సృష్టించారు అధికారులు. నిన్న12 నుంచి 15వేల మంది చేతి నమూనాలతో గీసిన ఈ చిత్రం అతిపెద్ద చిత్రంగా చరిత్ర సృష్టించింది.

ఈ రికార్డు ఇప్పటివరకు దక్షిణ కొరియా పేరిట ఉంది. 8 గంటల్లో 4675 మంది చేతి నమూనాలతో దక్షిణ కొరియా రికార్డు నెలకొల్పింది. 12 నుంచి 15వేల మంది యువకుల చేతులతో చిత్రాన్ని గీసి దక్షిణ కొరియా రికార్డును తిరగరాశారు. ఉత్తరప్రదేశ్ ప్రభుత్వం, ప్రయాగ్​రాజ్ మేళా అథారిటీ పేరిట ఈ రికార్డును అందజేసింది గిన్నిస్ సంస్థ.