కేరళ తిరువనంతపురం జిల్లాలోని కట్టాక్కాడ ప్రాంతంలో ఓ పాత సామాన్లు కొనుగోలు చేసే దుకాణంలో 306 ఆధార్ కార్డులు లభ్యమయ్యాయి. ఎన్వెలప్స్లో ఉన్న ఆధార్ కార్డులపై పోస్టల్ స్టాంపులూ ఉన్నాయి. వాటిని పోలీసులు స్వాధీనం చేసుకున్నారు. ఆధార్ కార్డులతో పాటు బ్యాంకు, గ్రామపంచాయతీ, ఇంటర్వ్యూలకు సంబంధించిన పత్రాలు కూడా లభ్యమయ్యాయి. ఈ ఘటన ఈనెల 22న వెలుగు చూసింది.
ఎన్వెలప్స్తో సహా..
ఈనెల 21న (గురువారం) ఓ వ్యక్తి ఆటోలో దుకాణానికి చేరుకుని వార్త పత్రికలు, ఆధార్ కార్డులు తూకానికి అమ్మాడు. మరుసటి రోజు ఉదయం దుకాణ యజమాని అన్పూ చిత్తుకాగితాలకు తూకం వేస్తున్నాడు. ఈ క్రమంలో పక్కనే ఉన్న న్యూస్ పేపర్ ఏజెంట్ ఆధార్ కార్డులు ఉండటాన్ని గుర్తించి పోలీసులకు సమాచారం ఇచ్చాడు.
దుకాణానికి చేరుకున్న పోలీసులు పోస్టల్ సీల్స్ కలిగిన ఎన్వెలప్స్లోని ఆధార్ కార్డులు, బ్యాంకులు, పంచాయతీ కార్యాలయాల నుంచి వచ్చిన అత్యవసర పోస్టులు స్వాధీనం చేసుకున్నారు. ఘటనపై దర్యాప్తు చేస్తున్నామని పోలీసులు తెలిపారు.
ఇదీ చదవండి :గణతంత్ర దినోత్సవంలో సంజ్ఞల భాష శకటం