మోదీ విరాళం రూ.21లక్షలు

పారిశుద్ధ్య కార్మికులకు ప్రధాని నరేంద్ర మోదీ రూ.21లక్షలు విరాళమిచ్చారు. తన వ్యక్తిగత పొదుపు ఖాతాలో జమచేసుకున్న డబ్బును కుంభమేళా పారిశుద్ధ్య కార్మికుల నిధికి ఆర్థిక సాయంగా అందించారు.

ఇటీవలే ప్రయాగ్​రాజ్​ కుంభమేళాలో కార్మికులు కాళ్లు కడిగారు ప్రధాని నరేంద్ర మోదీ. తాజాగా తన వ్యక్తిగత ఖాతాలో జమచేసుకున్న రూ.21లక్షలను కుంభమేళా పారిశుద్ధ్య కార్మికుల సంక్షేమ నిధికి విరాళంగా ఇచ్చారు మోదీ.

ఈ విషయాన్ని ట్విట్టర్​లో ట్వీట్​ చేసింది ప్రధాన మంత్రి కార్యాలయం. ప్రధాని ఇలాంటి కార్యక్రమాలు ఎన్నో చేస్తున్నారని తెలిపింది.

ప్రపంచంలో అతిపెద్ద ఉత్సవమైన కుంభమేళాను విజయవంతంగా ముగించినందుకు సంబంధిత అధికారులకు, మంత్రులకు, పారిశుద్ధ్య కార్మికులకు శుభాకాంక్షలు తెలిపారు యూపీ సీఎం యోగీ ఆదిత్యానాథ్​