కాంగ్రెస్ అధ్యక్షుడిగా రాహుల్ గాంధీ కొనసాగుతున్నారా లేదా అనే అంశం పార్టీ అగ్రనాయకత్వాన్ని బాధిస్తోందన్నారు ఆ పార్టీ నేత, కేంద్ర మాజీ మంత్రి, తిరువనంతపురం పార్లమెంట్ సభ్యుడు శశిథరూర్. పార్టీలో వర్కింగ్ కమిటీ సహా అన్ని కీలక పదవులకు ఎన్నికల విధానమే సరైనదని అభిప్రాయం వ్యక్తం చేశారు. పీటీఐకి ఇచ్చిన ముఖాముఖిలో కాంగ్రెస్ భవితవ్యంపై తన అభిప్రాయాలను పంచుకున్నారు.
పార్టీకి అధ్యక్షుడిగా యువనేతను ఎన్నుకోవడం సరైనదన్న పంజాబ్ సీఎం అమరీందర్ సింగ్ వ్యాఖ్యలను థరూర్ సమర్థించారు.
ప్రియాంక రాక కోసం..
పార్టీ అంతర్గత ఎన్నికల సమయంలో ప్రియాంక గాంధీ తన అభ్యర్థిత్వాన్ని దాఖలు చేయాలని అభిప్రాయం వ్యక్తం చేశారు థరూర్. కానీ తుది నిర్ణయం గాంధీ కుటుంబ సొంత విషయమని వ్యాఖ్యానించారు.
ప్రియాంకను నాయనమ్మ ఇందిరాగాంధీతో చాలామంది పోల్చి చూస్తుంటారని, ఆమె అధ్యక్ష బరిలో నిలవాలని ఆశాభావం వ్యక్తం చేశారు. కానీ గాంధీ కుటుంబం నుంచి కాంగ్రెస్ సారథి ఉండరన్న రాహుల్ వ్యాఖ్యలు ప్రియాంక పోటీ చేయబోరన్న వాదనకు బలం చేకూరుస్తున్నాయని స్పష్టం చేశారు.
స్పష్టత లేకపోతే మరింత నష్టం