కశ్మీర్​లో ముగ్గురు ఉగ్రవాదుల హతం

భారత భూభాగంలోకి అక్రమ చొరబాటుకు యత్నించిన ముగ్గురు ముష్కరులను సైన్యం మట్టుబెట్టింది. జమ్ముకశ్మీర్ బందీపోరా జిల్లా గురెజ్ సెక్టార్​లో పాక్ సేనలు కాల్పులకు తెగబడ్డాయి. అదే సమయంలో ముగ్గురు ఉగ్రవాదులు చొరబాటుకు యత్నించారు. పాక్​కు దీటుగా సమాధానమిచ్చిన భారత సైన్యం వారిని హతమార్చింది.

నియంత్రణ రేఖ వెంట మరోసారి కాల్పుల విరమణ ఒప్పందాన్ని ఉల్లంఘించింది పాకిస్థాన్​. జమ్ముకశ్మీర్ బందీపోరా జిల్లా గురెజ్ సెక్టార్​ వద్ద కాల్పులకు తెగబడిన దాయాదికి భారత బలగాలు దీటుగా సమాధానమిచ్చాయి. అదే సమయంలో భారత భూభాగంలోకి చొరబాటుకు యత్నిస్తున్న ముగ్గురు ఉగ్రవాదులను మట్టుబెట్టాయి.
పర్వత ప్రాంతమైన కారణంగా ఉగ్రవాదుల మృతదేహాలు తీసుకువచ్చేందుకు సమస్యగా ఉందని, చొరబాటును అడ్డుకునేందుకు బలగాలు ప్రయత్నాలు కొనసాగిస్తున్నాయని రక్షణశాఖ వర్గాలు వెల్లడించాయి.
గతరాత్రి ఇద్దరు ఉగ్రవాదులు మృతి చెందినట్లు ప్రకటించిన సైన్యం తాజాగా మరొకరిని మట్టుబెట్టామని స్పష్టం చేసింది.