శీతాకాల విడిదిలో అత్యధిక ఉష్ణోగ్రతలు నమోదు

గత 150 ఏళ్లలో ఎన్నడూ లేనంతగా జనవరిలో రికార్డు స్థాయి ఉష్ణోగ్రతలు బెంగళూరులో నమోదయ్యాయి. గత నెల 30న 33.4 డిగ్రీల సెల్సియస్ ఉష్ణోగ్రత​ నమోదైనట్లు భారత వాతవారణ శాఖ ప్రకటించింది.

శీతాకాల విడిది కోసం విశ్రాంత ఉద్యోగులు ఎక్కువగా బెంగళూరు వైపే చూస్తారు. అక్కడ ఎంతో ఆహ్లాదకరమైన వాతావరణం ఉంటుంది. కానీ ఈ సారి శీతాకాలం పూర్తవకముందే చలిగాలులు పారిపోయి వడగాలులు తీవ్రమయ్యాయి. బెంగళూరులో జనవరి 30న రికార్డు స్థాయిలో ఉష్ణోగ్రతలు నమోదయ్యాయి. 150 ఏళ్లలో ఎప్పుడు లేనంతగా 33.4 డిగ్రీల సెల్సియస్​ నమోదైనట్లు భారత వాతావరణ శాఖ వెల్లడించింది.

హిందుస్థాన్​ ఏరోనాటిక్స్​ విమానాశ్రయం వద్ద 32.5 డిగ్రీలు నమోదుకాగా కెంపెగౌడ అంతర్జాతీయ విమానాశ్రయం వద్ద 33.6 డిగ్రీల ఉష్ణోగ్రత నమోదైంది. పాత రికార్డు 2000 జనవరి 21న నమోదైన 32.8 డిగ్రీల ఉష్ణోగ్రతను చెరిపివేసింది.

ఇదీ చూడండి : బడ్జెట్​ 2020: నిర్మల పద్దులోని హైలైట్స్​