సీబీఐ మాజీ సంచాలకుడు రాకేశ్ అస్థానా అవినీతిపై కేసు విచారణకు మరో నాలుగు నెలలపాటు సమయాన్ని పొడిగిస్తూ నిర్ణయం తీసుకుంది దిల్లీ హైకోర్టు. లంచం తీసుకుని కుట్రపూరితంగా ఓ కేసు విచారణను పక్కదోవ పట్టించారన్నది ఆయనపై అభియోగం.
కేసు విచారణకు మరింత సమయం కావాలని దిల్లీ హైకోర్టుకు సీబీఐ విన్నవించింది. ఈ వ్యాజ్యాన్ని విచారించిన జస్టిస్ ముక్తా గుప్తా నేతృత్వంలోని ధర్మాసనం గడువు పెంచుతూ నిర్ణయం తీసుకుంది.
అస్థానాపై నేరపూరిత కుట్ర, అవినీతి కేసులు నమోదు చేశారు. హైదరాబాద్కు చెందిన ఓ వ్యాపారవేత్త సంతకాన్ని మాంసం ఎగుమతిదారు మొయిన్ ఖురేషీ ఫోర్జరీ చేశారన్న కేసు.. విచారణ నిమిత్తం సీబీఐకి వచ్చింది. ఈ కేసు నుంచి ఉపశమనం కల్పించడం కోసం మొయిన్ ఖురేషి నుంచి రాకేశ్ అస్థానా లంచం పుచ్చుకున్నారని ఆరోపణలు ఎదుర్కొంటున్నారు.